Ál-Farabıdiń 1150 jyldyǵy men Abaıdyń 175 jyldyǵy: Mańǵystaýda 500 oryndyq eki dárishana ashyldy

AQTAÝ. QazAqparat - Bıyl elimizde kórnekti fılosof Ábý Nasyr Ál-Farabıdiń 1150 jyldyǵy men uly aqyn-aǵartýshy Abaı Qunanbaevtyń 175 jyldyǵy tuspa-tus kelip otyr. Osyǵan oraı Yessenov University qabyrǵasynda Ál-Farabı jáne Abaı atyndaǵy 500 oryndyq eki dárishananyń ashylýy ótti, dep habarlaıdy QazAqparat.

Uqsas jańalyqtar

ShQO-da tarıhı-ólketaný mýzeıinde selfı kúni ótti

Qazaqtyń «Taqııaly perishtesi» ómirden ozdy «Astana Balet» sahnasynda Marıın teatrynyń solısteri óner kórsetedi Elordada entýzıaster prodıýsersiz, bıýdjetsiz krımınaldyq drama túsirdi

Shara Beket Myrzaǵululynyń 270 jyldyǵyna arnalǵan «Beket Ata – túrki áleminiń tanymal tulǵasy» atty Halyqaralyq ǵylymı-praktıkalyq onlaın - konferentsııa aıasynda ótti. Oǵan Mańǵystaý oblysynyń ákimi Serikbaı Trumov, Qazaqstan, Túrkııa, Ózbekstan elderinen kelgen teolog-ǵalymdar, saıasattanýshylar, fılosoftar men dintanýshylar, sondaı-aq Yessenov University professor-oqytýshylar quramy men ǵylymı qyzmetkerleri qatysty.

«Shyraıly Shyǵys Qazaqstan óńirinen bastaý alǵan ulyq mereke kıeli Mańǵystaý jerinde jalǵasyp jatyr. Oblys ortalyǵy Aqtaý qalasynda hakim Abaıdyń eńseli eskertkishi boı kótergen. Búgin mine ordaly Esenov atyndaǵy joǵarǵy oqý ornynyń qabyrǵasynda uly aqynnyń oqý bólmesi ashylyp otyr. Búgingi býyn Ál-Farabı men Abaı murasynan nár alyp, rýhanı kemeldenýi qajet. Myna oqý zaly jas urpaqqa taǵylymdy oı salýǵa tıis»-dedi oblys ákimi.

Konferentsııa otyrysy Zoom platformasy arqyly onlaın formatta júrgizildi. Tanymdyq sharanyń nátıjeli ótýine iltıpat bildirgen saıası ǵylymdar doktory, QR Memlekettik hatshysy Qyrymbek Kósherbaev vıdeo quttyqtaý joldady. Konferentsııanyń plenarlyq otyrysyna Qazaqstannyń Nur-Sultan, Almaty, Túrkistan, Atyraý, Aqtóbe, Aqtaý qalalarynan jəne Túrkııanyń Stambul, Ózbekstannyń Hıýa qalalarynan ǵalymdar qatysyp, baıandama oqydy. Sondaı-aq «Beket Ata tanymyndaǵy Adam men Ǵalam kontseptsııasy», «Beket Ata jəne qazaqtyń kórkemdik-estetıkalyq tanymy» baǵyttary boıynsha sektsııa jumystary júrgizildi. Oǵan elimizdiń ər óńirinen ynta bildirgen ǵalymdar men Yessenov University professor-oqytýshylary, ǵylymı qyzmetker qatysty.

Oblys ákimi S.Trumov onlaın rejımde jıynǵa qatysýshyrǵa sáttilik tilep, túrki áleminiń basyn biriktirip, jastardy eljandylyqqa, otanshyldyqqa tárbıeleıtin sharanyń mańyzdylyǵyn atap ótti.

«Búgingi jıynnyń da negizgi maqsaty – babamyzdan qalǵan rýhanı baılyq pen taǵylymy mol maǵlumatty kópshilik qaýymǵa, onyń ishinde jas urpaqtyń boıy sińirý. Beket atamyz týraly buǵan deıin de zertteýshi-ǵalymdarymyz tom-tom kitap jazyp, ǵylymı eńbekterin arnady. Árıne, uly tulǵalarymyz jaıynda jazylyp, zerttelip, el nazaryna usynylyp jatsa esh artyq etpeıtini anyq»-dedi aımaq basshysy.