Petropavlda qala turǵyny emhanaǵa granata ákelip, dárigerlerdi qorqytty

PETROPAVL. QazAqparat – Petropavl turǵyny emhanaǵa jarylǵysh zat ákelip, medıtsınalyq qyzmetkerlerge ses kórsetti, dep habarlaıdy QazAqparat tilshisi.

Uqsas jańalyqtar

Almaty oblysynda jardan aýdarylǵaly turǵan kóliktegi jolaýshylar qutqaryldy

Qytaıdaǵy apat: Jer astynda qalyp qoıǵan kenshilerdiń 11-i qutqaryldy Qytaıda jer astynda qalyp qoıǵan kenshi eki aptadan soń qutqaryldy Elordada boıjetken úshin janjaldasqan jigitter qarýdan oq atqan

Soltústik Qazaqstan oblysy Polıtsııa departamenti baspasóz qyzmetiniń

málimetinshe, oqys oqıǵa búgin tańerteń boldy. 58 jastaǵy petropavldyq 4-qalalyq aýrýhanaǵa kelip, granatamen medıtsınalyq qyzmetkerlerdi qorqytqan. Birden polıtsııaǵa habar berilip, emdeý mekemesine barlyq tıisti qyzmetter jumyldyryldy.

«102 nómirine habar saǵat 9.10 mınýt ketkende tústi. Oqıǵa ornyna barlyq mamandar jóneltildi. № 4 qalalyq emhana ǵımaratynan barlyq medıtsınalyq qyzmetkerler men dárigerdiń qabyldaýyna kelgen 100-den astam adam qaýipsiz jerge shyǵaryldy», - deıdi SQO PD bastyǵynyń orynbasary Eńbek Sembın.

Granatany jarǵysh tehnıkter arnaıy konteınerge ornalastyrdy.

Mamandardyń aıtýynsha, F-1 granatasynda tutandyrǵyshy bolmaǵan, ıaǵnı jarylýy múmkin emes. Er adam ustalyp, istiń mán-jaıyn anyqtaý úshin Petropavl qalalyq polıtsııa basqarmasynyń Birinshi polıtsııa bólimine jetkizildi.

Bul fakti QR Qylmystyq kodeksiniń 287-baby 3-bóligi boıynsha sotqa deıingi tergep-tekserýdiń biryńǵaı tizilimine engizildi, onyń aıasynda saraptama taǵaıyndalady. Ustalǵan adamnyń aıtýynsha, onyń mundaı qadamǵa barýyna medıtsınalyq mekemeniń sapasyz qyzmeti ıtermelegen.

Er adam Aýǵan soǵysyna qatysýshy, paralımpıadalyq oıyndarǵa qatysqan.

Buǵan deıin SQO-nyń Imantaý aýylynda ıtin serýendetýge shyǵarǵan turǵynnyń paketke salynǵan granatany taýyp alǵanyn habarlaǵan bolatynbyz.