BQO-da aýyl ákimi karantınge qaramastan ulynyń úılený toıyn ótkizgen

ORAL. QazAqparat - Batys Qazaqstan oblysynda aýyl ákimi shekteý sharalaryna qaramastan ulynyń úılený toıyn ótkizgen, dep habarlaıdy QazAqparat tilshisi.

Uqsas jańalyqtar

Astanada karantın kezinde qyz uzatyp, týǵan kún toılaǵandar anyqtaldy

Oral qalasyndaǵy meıramhanalardyń birinde ótken toıdyń vıdeosy áleýmettik jelide tarady.

Aqjaıyq aýdany ákiminiń orynbasary Tilek Ǵabdýshev Aqjol aýyldyq okrýginiń ákimi Tátjan Ótemisovtiń qalada toı ótkizgenin rastady.

«Qazirgi kezde Tátjan Ótemisov eńbek demalysynda. Karantın sharalary engizilgenin jaqsy biledi, mundaı qadamǵa nelikten barǵanyn túsine almaı otyrmyz. Aýyl ákimderi tórt jylǵa saılanatyny belgili, sondyqtan onyń merzimi aıaqtaldy. Aqjol aýyldyq okrýgi ákimin saılaý 30 qazanǵa belgilendi. Úmitkerler tiziminde Tátjan Ótemisov joq», dedi QazAqparat tilshisine T.Ǵabdýshev.