«Barys» kanadalyq shabýylshymen kelisimshartqa qol qoıýy múmkin

NUR-SULTAN. QazAqparat – «Barys» hokkeı klýby kanadalyq sportshymen kelisimshartqa otyrýy múmkin. Bul týraly QazAqparat sports.kz saıtyn silteme jasap habarlaıdy.

Kanadalyq shabýylshy Fıl Faron óz mansabyn Qurlyqtyq hokkeı lıgasynda jalǵastyrady. 29 jastaǵy hokkeıshi «Baryspen» maýsymnyń aıaqtalýyna deıin jalǵasatyn kelisimshartqa qol qoımaq.

Fıl Faron Ulttyq hokkeı lıgasynyń ótken maýsymynda «Ýılks-Barre/Skrenton Pıngvınzten» bastap, odan«Laval Roketke» aýysyp ótti. Amerıka hokkeı lıgasynyń turaqty chempıonatynda ol 33 matchqa qatysyp, paıdalylyqtyń «-17» jáne 8 mınýttyq aıyp ýaqyt kórsetkishinde óz úlesine 19 upaı (4+15) jınaǵan.

Ulttyq hokkeı lıgasyndaǵy mansabynda Varon 97 match ótkizdi. Ol 8 shaıba kirgizip, paıdalylyqtyń «-20» jáne 26 mınýt aıyp ýaqyt kórsetkishinde shaıbany 9 ret nátıjeli bergen.

Ony 2009 jylǵy draft oıynnyń besinshi raýndynda jalpy 146-shy nómirmen «San-Hose» klýby tańdady. Buǵan deıin ol «Baffalo Seıbrz», «Ottava Senatorz» jáne «Fıladelfııý Flaıerz» komandalary úshin oınaǵan.