Myń kúbi: Jańaarqada qymyz pisken qyzdyń eskertkishi boı kóterdi

QARAǴANDY. QazAqparat - Jańaarqaǵa kireberiste «Myń kúbi» músini ornatyldy. Osylaısha, aýyl turǵyndary bir ýaqytta 10 myń lıtr qymyzdy shaıqaý boıynsha álemdik rekord jetistigin máńgi saqtaý týraly sheshim qabyldady, dep habarlaıdy QazAqparat tilshisi.

Ótken jyly Jańaarqa aýdanynda qazaq halqynyń uly perzenti, aqyn, qoǵam qaıratkeri Sáken Seıfýllınniń týǵanyna 125 jyl jáne aýdannyń 90 jyldyǵy atap ótildi.

Merekege oraı álemdik rekord ornatyldy: bir ýaqytta 10 myń lıtr qymyzdy arnaıy kúbide 1000 jańaarqalyq qyz-kelinshek pisti.

Jetistikti halyqaralyq sarapshylar belgilep aldy.

«Myń kúbi» músini osy oqıǵaǵa arnaldy. Erekshe nysan kent ákimdigimen ornatylǵan.

«Qazaq qyzynyń biregeı músini ótkendi eske túsiredi jáne bizdiń ólkemizge sulýlyq syılaıdy», - deıdi jańaarqalyqtar.