Premer-lıga: «Qaırat» pen «Astana» jeńiske jetti

NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń 14-týry máresine jetti, dep habarlaıdy QazAqparat tilshisi.

Uqsas jańalyqtar

Brazılııada fýtbolshylar mingen ushaq apatqa ushyrap, 6 adam mert boldy

Fýtbol: «Aqtóbe» fýtbol klýbyna jańa bas bapker taǵaıyndaldy Fýtzaldan chempıondar lıgasy: «Qaırat» Rýmynııa chempıonyna qarsylas atandy Fýtbol: «Aqjaıyq» Antalııada oqý-jattyǵý jıynyn bastady

Atalǵan týrda kósh basynda kele jatqan komandalardyń barlyǵy jeńiske jetti. Sondyqtan týrnır kestesinde aıtarlyqtaı ózgeris bola qoıǵan joq.

Reseılik maman Andreı Tıhonov jaqynda tizginin ustaǵan elordalyq «Astana» bul joly Qostanaıdyń «Tobylynan» 1:0 esebimen basym tústi. Oıyn taǵdyryn sheshken jalǵyz goldy Alekseı etkın 66-mınýtta soqty.

Al Almatynyń «Qaıraty» Aqtaýdyń «Kaspııin» 3:1 esebimen tize búktirdi. Oıynda aqtaýlyq fýtbolshy Marat Shahmetov 12-mınýtta esep ashqan edi. Odan keıin Aderınsola Eseola 32-mınýtta tarazy basyn teńestirdi.

Oıynnyń 39-mınýtynda Laıonel Adams óz qaqpasyna gol soǵyp aldy. «Kaspıı» sapynan 80-mınýtta Vagner Lav qorytyndy esepti belgiledi.

Osylaısha «Qaırat» 3:1 esebimen jeńdi.

Bul týrda «Qaısar» «Shahterdi» 2:0, «Ordabasy» «Jetisýdy» 3:1, «Qyzyljar» «Tarazdy» 1:0 esebimen jeńdi.

Aldaǵy týr 24, 25, 26 qazan kúnderi ótkiziledi.