Qazaqstanda satylǵan eń qymbat jáne arzan kólikter qandaı

NUR-SULTAN. QazAqparat – «QazAvtoÓnerkásip» avtokólik salasyndaǵy kásiporyndar odaǵy bıylǵy 9 aıda avtokólik naryǵynyń baǵasyna qatysty esepti jarııalady, dep habarlaıdy QazAqparat tilshisi.

Uqsas jańalyqtar

Úkimet DSU shekteýlerin eskere otyryp bıznesti qoldaýdyń jańa sharalaryn qabyldaýy tıis - Prezıdent

Qazaqstannyń halyqaralyq rezervi 94,4 mlrd dollarǵa jetti Qazaqstan ekonomıkalyq erkindik deńgeıi boıynsha álem elderi arasynda 40 orynda tur Keles aýdanynda quny 1 mlrd teńgeniń jobalary iske qosylady

«Esepti kezeńde qazaqstandyqtar 555,2 mlrd teńge 61 336 jańa jeńil jáne jeńil kommertsııalyq avtomobıl satyp aldy. Osy jeńil kólikterdiń ortasha quny 10,5 mln teńgege jetip, ótken jyldyń sáıkes kezeńine qaraǵanda 17 paıyzǵa ósti. Bul turǵyda qazaqstandyq óndirýshilerdiń usynyp otyrǵan ónimi naryqta eń qoljetimdi bolyp tur. Otandyq óndiris kóliginiń ortasha baǵasy 7,6 mln teńge shamasynda. Importtyq avtokóliktiń segmentinde tıisti kórsetkish 13,8 mln teńge deńgeıinde baıqaldy», - delingen habarlamada.

2020 jylǵy 9 aıdyń qorytyndysy boıynsha satyp alýshylardyń tórtten birinen astamy (31,1%) 5 mln teńgeden qymbat emes kólikti tańdady. Bir jyl buryn osy segmentke naryqtyń 27,7 paıyzy tıesili boldy. 5-7 mln teńge turatyn 21,9 paıyz tehnıka (13 409 kólik) ótkizildi. Sonymen qatar jańa kólik alǵandardyń 15,4 paıyzy 7-10 mln teńgeniń avtomobılderine nazar aýdardy.

Bıznes (10-15 mln teńge) ári premıým sanattaǵy (15 mln teńgeden astam) segmentter sáıkesinshe 20,6 paıyz (12 604 kólik) jáne 11,1 paıyzdy (6 779 kólik) qamtydy. Jalpy, 10 mln teńgeden qymbat tehnıkanyń úlesi 6,4 paıyzdyq pýnktige tómendedi.

Eń qoljetimdi jeńil kólikterdiń ondyǵynda negizgi pozıtsııalar qazaqstandyq kásiporyndarǵa tıesili boldy. Baǵasy arzan kólikterdiń arasynda Lada Granta kósh bastady, onyń quny 3 mln teńgeden bastalady. Sonymen qatar, osy TOR-10 quramyna Chevrolet Nexia (3,2 mln teńge), Ravon R2 (3,8 mln teńge), Ravon R4 (3,8 mln teńge), Chevrolet Cobalt (4,2 mln teńge), Lada 4x4 (4,3 mln teńge), Lada Vesta (4,6 mln teńge), Lada XRAY (5 mln teńge), JAC S3 (5 mln teńge) jáne Lada Largus (5,3 mln teńge) endi.

Al eń qymbat kólikterdiń reıtıngisinde Mercedes-Benz G-klass (110 mln teńge), Porsche 911 Turbo (82,7 mln teńge), Audi A7/A8 (79 mln teńge), Mercedes-Benz GLC-klass (56 mln teńge), Porsche Cayenne (53,7 mln teńge), Audi e-tron (50 mln teńge), Lexus LX (49,2 mln teńge), Mercedes GLE-klass (49 mln teńge), Land Rover Range Rover (44,9 mln teńge) jáne BMW 8 serııa (42,9 mln teńge) tirkeldi.