Tarazda juqpaly aýrýlardyń taralýyna jol bermeıtin 2 fıltr bólme ashyldy

TARAZ. QazAqparat – Tarazdaǵy №5 emhanada ambýlatorlyq naýqastarǵa arnalǵan eki fıltr bólme ashyldy. Ol juqpaly aýrýlardyń taralmaýyna kómektesedi, dep habarlaıdy QazAqparat tilshisi.

Uqsas jańalyqtar

Koronavırýs: Bir táýlikte Teńiz kenishindegi naýqastar 81 adamǵa kóbeıdi

COVID-19-ǵa qarsy vaktsına: Álemdegi jaǵdaı qandaı Soltústik Qazaqstannyń 10 aýdanynda KVI juqtyrýdyń jańa jaǵdaılary tirkeldi Koronavırýstan emdelip jatqan 311 patsıenttiń jaǵdaıy aýyr

Jambyl oblysy ákimdigi densaýlyq saqtaý basqarmasy baspasóz qyzmetiniń habarlaýynsha, qazirgi juqpaly aýrýlar órship turǵan shaqta bul kabınetterdiń mańyzy zor. Dertti endi ǵana juqtyrǵan azamattardan odan ári taralýyn tejeýge bolady.

Oblystyq densaýlyq saqtaý basqarmasynyń baspasóz qyzmeti keltirgen málimetke sáıkes, Jambyl oblysynda arnaıy súzgi bólmelerinde kúnine 50-60 adam tekserýden ótedi. Kóbinde josparly em qabyldanady nemese júkti áıelderden PTR-synama alynady. Budan bólek, dárigerler kún saıyn JRVI belgileri bar 5-6 naýqasty qaraıdy.

Alǵashqy fıltr bólmeni ashýdaǵy negizgi maqsat – jedel respıratorly vırýstyq ınfektsııanyń (JRVI), ıaǵnı, bezgek, jótel jáne basqa belgilerin anyqtaý. Sımptomdary bar naýqastardy jedel oqshaýlaý mańyzdy.

Ekinshi fıltr bólme kelgen azamattardy belgileri boıynsha bólý, júkti áıelder men balalardy oqshaýlaýǵa arnalǵan. Naýqastarda koronavırýs ınfektsııasy bolǵan jaǵdaıda olardy birden oqshaýlap, qajet bolǵanda ambýlatorlyq emdeý sharalary qoldanylady.

Osy arqyly pnevmonııa sekildi ókpeni jasandy jeldetýdi qajet etetin aýrýlardyń órshimeýin qamtý maqsat etilýde.

Munda emdelýshilerge dáriger men eki medbıke qyzmet kórsetedi. Aq halattylar bólek esikten kiredi. Arnaıy qorǵanysh kıimin kıip baryp fıltr bólmege ótedi. Naýqastarǵa qyzmet kórsetip bolǵan soń olar arnaıy kıimin sheship, basqa, taǵy bir bólek esik arqyly shyǵyp turady.

Patsıentterdiń koronavırýs anyqtalǵany týraly PTR-synama nátıjesi elektrondy málimetter bazasyna engiziledi. Keıin olarmen baılanysta bolǵan azamattar tizimi anyqtalady.

Naýqaspen qarym-qatynasta bolǵan adamdardy arnaıy mobıldi brıgada úıde qaraıdy. Olardan da PTR-test alynady. Fıltr bólmede jumys isteıtin mamandar qorǵanysh qural jáne pýlsoksımetrmen tolyqtaı qamtyldy.

Keleshekte emhanaǵa koronavırýs ınfektsııasynyń aldyn alýdy maqsat etken patsıentterdi de suryptaý josparlanýda.