Chempıondar lıgasy: «Barselona» qarsylasyn iri eseppen jeńdi

NUR-SULTAN. QazAqparat - Búgin UEFA Chempıondar lıgasy toptyq kezeńi bastaldy, dep habarlaıdy QazAqparat tilshisi.

Uqsas jańalyqtar

Brazılııada fýtbolshylar mingen ushaq apatqa ushyrap, 6 adam mert boldy

Fýtbol: «Aqtóbe» fýtbol klýbyna jańa bas bapker taǵaıyndaldy Fýtzaldan chempıondar lıgasy: «Qaırat» Rýmynııa chempıonyna qarsylas atandy Fýtbol: «Aqjaıyq» Antalııada oqý-jattyǵý jıynyn bastady

G tobynda synǵa túsetin Ispanııanyń «Barselonasy» óz alańynda Majarstannyń «Ferentsvarosh» klýbynan 3:0 esebimen basym tústi. Ispanııalyq klýb sapynan Lıonel Messı 27-mınýtta penaltıden esep ashty. Odan keıin 42-mınýtta Ansý Fatı esepti ústemeleı tústi. Al 52-mınýtta «Barselonanyń» taǵy bir oıynshysy Fılıppe Koýtıno mergendik tanytty. Majar klýby sapynan Igor Haratın 70-mınýtta penaltıden esep aıyrmasyn qysqartty. Budan keıin ıspanııalyq fýtbolshy Pedro Lopes qarsylastar qaqpashysyn qapy qaldyrdy. Al 89-mınýtta alań ıeleri sapynan Ýsman Dembele qorytyndy esepti belgiledi. Osylaısha «Barselona» qarsylasyn 5:1 esebimen oısyrata jeńdi.

Osy toptaǵy Italııanyń «ıÝventýsy» Ýkraınada Kıevtiń «Dınamosynan» 2:0 esebimen basym tústi.

Alǵashqy týrdaǵy taǵy bir negizgi oıyn E tobyndaǵy Anglııanyń «Chelsı» jáne Ispanııanyń «Sevılıa» komandalary arasynda ótti. Tartysty ótken kezdesýde esep ashylǵan joq. Bul toptaǵy Frantsııanyń «Renn» jáne Reseıdiń «Krasnodar» komandalary 1:1 esebine qanaǵat bildirdi.

F tobynda Reseıdiń «Zenıti» óz alańynda Belgııanyń «Brıýgge» klýbyna 1:2 esebimen jol berdi. Al Italııanyń «Latsıosy» óz alańynda Germanııanyń «Borýssııa Dortmýnd» klýbyn 3:1 esebimen jeńdi.

H tobynda da tartysty oıyndar ótti. Germanııanyń «RB Leıptsıg» komandasy óz alańynda Túrkııanyń «Istanbýl Bashakshehırin» 2:0 esebimen tiz búktirdi. Al Frantsııanyń «Parı Sen-Jermeni» óz alańynda Anglııanyń «Manchester ıÝnaıtedine» 1:2 esebimen jol berdi.

Chempıondar lıgasy búgin, 21 qazanda da jalǵasady. Bul kúni A, V, S jáne D toptaryndaǵy komandalar ózara sheberlik baıqasady.

20-22 qazan aralyǵynda Qazaqstan men QAZSPORT telearnalary ÝEFA Chempıondar lıgasy men Eýropa lıgasynyń toptyq kezeńiniń matchtaryn tikeleı efırde kórsetedi.