Astanada kınoteatrlar qandaı jaǵdaıda ashylady

NUR-SULTAN. QazAqparat – Nur-Sultannyń bas memlekettik sanıtarlyq dárigeri Janna Pirálıeva qalada kınoteatrlar jumysyn qandaı jaǵdaıda bastaı alatynyn túsindirdi, dep habarlaıdy QazAqparat tilshisi.

«Koronavırýs ınfektsııasynyń taralýyn boldyrmaý jónindegi vedomstvoaralyq komıssııa 30% deıingi tolymdylyqty saqtaý, araqashyqtyq pen maska taǵý tártibin ustana otyryp, kınoteatrlardyń jumysyn qaıta bastaý týraly sheshim qabyldady. Bul, aýrýshańdyq deńgeıi boıynsha «jasyl aımaqqa» enetin óńirlerge qatysty. Nur-Sultan «jasyl aımaqqa» engenine – tórtinshi kún. Sondyqtan biz jaǵdaıdy 10-12 kún boıy baqylaıtyn bolamyz. Eger bul kórsetkish saqtalsa, onda qaladaǵy kınoteatrlardyń jumysyn bastaımyz. Osy ýaqytqa deıin daıyndyq jumystary júrgiziletin bolady», - dedi Janna Pirálıeva.

Sondaı-aq atap ótilgendeı, elorda kınoteatrlary pandemııada jumys isteýge daıyn bolýy kerek. ıAǵnı, kınozaldarǵa araqashyqtyq belgileri, sanıtaızerler ornatylýy, qyzmetkerler jeke qorǵanys quraldarymen qamtamasyz etilýi qajet. Kınoteatrlarǵa kire beriste kelýshiler men qyzmetkerler termometrııadan ótýi, sonymen qatar kórermender maska taǵýy kerek. Otyrǵyshtardy adamdar kóp jınalmaıtyndaı etip uıymdastyrý qajet.