Qyrǵyzstanda parlament saılaýynyń aldyn ala málimetteri jarııalandy
2020 jylǵy 5 qazan 01:24

Qyrǵyzstanda parlament saılaýynyń aldyn ala málimetteri jarııalandy

BІShKEK. QazAqparat – Qyrǵyz Respýblıkasynyń Saılaý jáne referendýmdar ótkizý jónindegi ortalyq saılaý komıssııasynyń tóraǵasy Nurjan Shaıldabekov Jogorký Keneshke depýtattar saılaýynyń aldyn ala málimetterin jarııalady, dep habarlaıdy «QazAqparat» HAA menshikti tilshisi.

Máselen, 7% mejeni 4 partııa eńserdi: «Bırımdık» – 24,53%, «Mekenim Qyrǵyzstan» – 23,9%, «Qyrǵyzstan» – 8,74%, «Býtýn Qyrǵyzstan» – 7,09 %.

Qyrǵyzstannyń Ortalyq saılaý komıssııasynan málim etkendeı, saǵat 23.20-daǵy jaǵdaı boıynsha saılaýshylardyń 1 mln 938 myń 454-i nemese 56,2% daýys berdi. 2 475 saılaý ýchaskesiniń 2 416-synda daýystar sanaldy. 59 ýchaskeden málimetter alynbady, olardyń 45-i shet memleketterde ornalasqan.

OSK Jogorký Kenesh depýtattaryn saılaý qorytyndysyn daýys berýden keıin 20 kúnnen keshiktirmeı jarııalaıtyn bolady.



Avtor:
Tilshi

Jańalyqtar

MURAǴAT