+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Qazaqstannyń ekologııa mınıstri BUU-nyń bıoalýantúrlilik sammıtinde Úndeý jasady

2020 jylǵy 1 qazan 08:30
Bólisińiz:
Qazaqstannyń ekologııa mınıstri BUU-nyń bıoalýantúrlilik sammıtinde Úndeý jasady

NUR-SULTAN. QazAqparat - Qazaqstan Respýblıkasynyń Ekologııa, geologııa jáne tabıǵı resýrstar mınıstri Maǵzum Myrzaǵalıev Birikken Ulttar uıymynyń Nıý-Iork qalasynda ótken bıoalýantúrlilik týraly sammıtinde sóz sóıledi.

Uqsas jańalyqtar
Almatyda kesilgen aǵashtar: Sulpak kompanııasy málimdeme jasady ShQO-da ekologııalyq máselelerdi sheshýdiń jol kartasy tanystyryldy Maǵzum Myrzaǵalıev ekologııa jol kartasy qandaı nátıjege jetkizetinin aıtty

«Turaqty damý maqsatyndaǵy bıoalýantúrlilikti saqtaýǵa baǵyttalǵan shuǵyl sharalar» dep atalǵan jıyn BUU Bas hatshysy Antonıý Gýterreshtiń basshylyǵymen ótti, dep habarlaıdy QazAqparat ECO NEWS kanalyna silteme jasap.

Jıynda birqatar memleket basshylary, Úkimet basshylary men músheleri málimdeme jasady.

Maǵzum Myrzaǵalıev teńizge tikeleı shyǵa almaıtyn damýshy elder atynan sóıledi. Óz úndeýinde ol koronavırýs pandemııasy adamzat balasy men tabıǵat arasyndaǵy tyǵyz baılanystyń mańyzdy ekenin taǵy bir eske saldy.

«Halyqtyń ómirin qamtamasyz etý úshin teńizge tikeleı shyǵa almaıtyn elder toby bıoalýantúrlilikke qatysty sharalardy qabyldaýdy tezdetýge shaqyrady. Biz jahandyq negizdemelik baǵdarlamaǵa qatysty 2020 jyldan keıingi kezeńge arnalǵan sharalardyń joǵary dárejede qabyldanýynyń mańyzdylyǵyn jetkizgimiz keledi. Negizdemelik baǵdarlama teńizge tikeleı shyǵa almaıtyn elderdiń bıoalýantúrlilik salasyndaǵy qajettilikterin óteýi tıis», - dedi mınıstr Sammıttegi sózinde.

M.Myrzaǵalıev bıoalýantúrlilikti saqtaý Qazaqstannyń eń mańyzdy ulttyq múddeleriniń biri ekenin aıtty.

«Bizdiń elimiz bıoalýantúrlilikti saqtaý jónindegi Konventsııanyń jaqtaýshysy. Aldaǵy qadamymyz – 2030 jylǵa deıingi bıologııalyq alýantúrlilikti saqtaý jáne turaqty qoldaný Kontseptsııasyn qabyldaý. Qazaqstan Úkimeti turaqty damý maqsattaryn júzege asyrý úshin orman qoryn qorǵaý jáne jańǵyrtý jumystaryn júrgizýde. Erekshe qorǵalatyn aýmaqtar keńeıip jatyr. Janýarlardyń mıgratsııasy úshin ekologııalyq dálizder jasalýda», - dedi ol.

Sonymen birge M.Myrzaǵalıev qazir Memleket basshysy Qasym-Jomar Toqaevtyń tapsyrmasymen ekologııalyq ahýaldy jaqsartý úshin orman qorynda 2 mlrd, eldi-mekenderde 15 mln aǵash otyrǵyzylatynyn jetkizdi.

Aıta keteıik, BUU-nyń bul sammıtinde adamzat bıoalýantúrlilik degradatsııasy áserinen bastan keship jatqan daǵdarys talqylandy. Memleketter kóshbasshylary men ókilderi 2020 jyldan keıingi kezeńde bıoalýantúrlilikti saqtaý boıynsha jasalatyn jahandyq baǵdarlamaǵa qatysty pikirlerin bildirdi. Atalǵan baǵdarlama 2021 jyly ótetin bıoalýantúrlilik týraly taraptar Konventsııasynyń 15-shi Konferentsııasynda qabyldanady.

Onlaın rejımde ótip jatqan sammıtti http://webtv.un.org siltemesi boıynsha kórýge bolady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT