+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Oralda Abaı dańǵyly ashyldy

2020 jylǵy 27 qyrkúıek 15:01
Bólisińiz:
Oralda Abaı dańǵyly ashyldy

ORAL. QazAqparat – Búgin Oralda Abaı dańǵyly saltanatpen ashyldy, dep habarlaıdy QazAqparat tilshisi.

Bıyl uly aqynnyń 175 jyldyǵyna oraı burynǵy Eýrazııa dańǵyly Abaı dańǵyly bolyp qaıta atalǵan edi.

Dańǵyldyń ashylý saltanatynda sóz alǵan qala ákimi Abat Shynybekov bıyl qalanyń ortasyndaǵy Abaı alańynyń abattandyrylyp, basqa da eldi mekenderde mańyzdy is-

sharalardyń atqarylǵanyn jetkizdi.

«Qala kúni, sondaı-aq Jaıyqtyń qos qyrany Juban Moldaǵalıev pen Qadyr Myrza Álıdiń mereıtoılary aıasynda Oraldyń qaq tórinde Abaı dańǵylynyń ashylýy – úlken mártebe. Qazaqstan Jazýshylar odaǵy oblystyq fılıalynyń jáne qala jurtshylyǵynyń usynysymen ortalyq dańǵyldardyń birine osylaısha uly Abaıdyń esimi berildi», dedi A.Shynybekov.


«Óldi deýge bola ma, aıtyńdarshy, Ólmeıtuǵyn artyna sóz qaldyrǵan» dep uly aqynymyz aıtqandaı, Abaıdyń sózderi jandanyp jatyr. Juban men Qadyr toıynyń da joǵary

deńgeıde ótýi – osy sózdiń dáleli. Bıyl Abaı jyly aıasynda elimizde kóptegen sharalar atqaryldy. Muhtar Áýezov atyndaǵy teatrymyzda Abaıdyń qara sózderinen, óleńderinen eki spektakl qoıǵyzdyq. Abaıdy qurmetteıtin, qaster tutatyn eli aman bolsyn, urpaqtary jasaı bersin», dedi Qazaqstannyń Eńbek Eri, ataqty kıno jáne teatr akteri Asanáli Áshimov.

Budan keıin sóz aqyn, Memlekettik syılyqtyń laýreaty, Qazaqstan Jazýshylar odaǵynyń basqarma tóraǵasy Ulyqbek Esdáýletke berildi.


«Abaı – ultymyzdyń ustazy, halqymyzdyń temirqazyǵy. Memleketimizge baǵyt beretin, álem kóginde jarqyrap turǵan jaryq juldyzymyz. Munda jazýly turǵan «Aqyl, qaırat, júrekti birdeı usta, Sonda tolyq bolasyń elden erek» degen Abaı sózine zer salsaq, tolyq – kemel adam degen sóz. Abaı tolyqty ekige bóledi. Adamdyqqa tolyq adam, nadandyqqa tolyq adam. Biz Abaıdyń adamdyqqa tolyq adam degen jolyn ustansaq, eshkimnen kem bolmaımyz. Mine, endi Abaı jyrynyń sáýlesi aqyn esimin alǵan dańǵylǵa túsip, nurlandyryp tur. Abaıdaı ómir súreıik, abaılap ómir súreıik», dedi U.Esdáýlet.

Jaıyqtyń qos qyrany Juban men Qadyrdyń mereıtoıy aıasynda túrli sharalar márege jetti.

M.Ótemisov atyndaǵy Batys Qazaqstan ýnıversıtetinde Juban Moldaǵalıevtiń 100 jyldyǵyna oraı ótken halyqaralyq konferentsııaǵa mereıtoı qonaqtarymen qatar Túrkııadaǵy Mersın ýnıversıtetiniń professory Alı Arslan, Reseıden aqyn Tatıana Kýzovleva onlaın formatta qatysyp, óz oı-tolǵamdary men zertteýlerin ortaǵa saldy.

H.Esenjanov atyndaǵy oblystyq balalar men jasóspirimder kitaphanasynda Qadyr Myrza Álı qoǵamdyq qorynyń (dırektory – kompozıtor Donedil Qajymov) uıytqy bolýymen Qadyr aqyndy eske alý keshi boldy. Onda aqyn Aıtqalı Nárikov óz óleńin oqysa, jazýshy Mıra Shúıinshálıeva esteligimen bólisti. Jas jetkinshekter Qadyr óleńderin mánerlep oqyp, ánshiler aqyn sózine jazylǵan ánderdi oryndady. Kesh sońynda aqynnyń jary Saltanat

Myrzalıeva mereıtoıdy uıymdastyrǵan Aq Jaıyq jurtshylyǵyna rızashylyǵyn bildirdi.

J.Moldaǵalıev atyndaǵy №2 orta mekteptegi Juban aqyn músinine de gúl shoqtary qoıyldy.

Qazaqstan Jazýshylar odaǵy BQO fılıalynyń otyrysy bolyp, bıyl 80 jasqa tolǵan aqyn Aıtqalı Nárikov pen bólimsheni osy kezge deıin basqaryp kelgen Aqushtap

Baqtygereevaǵa qurmet kórsetildi. Odaq sekretarıatynyń sheshimimen fılıal dırektory bolyp aqyn Baýyrjan Halıolla taǵaıyndaldy.

Ulyqbek Esdáýlet sondaı-aq jańa jarǵyǵa sáıkes respýblıkalyq resmı konkýrsta bas júlde alyp, daralanǵan talantty jas aqyndar Aıbol Islamǵalı men Talǵat Myqıdyń Qazaqstan Jazýshylar odaǵy músheligine qabyldanǵanyn jetkizdi.

Eske sala keteıik, budan buryn Oraldaǵy Eýrazııa dańǵyly Abaı dańǵyly bolyp ózgergenin, BQO teatrynda «Juban» spektakliniń premerasy bolǵanyn jazǵan edik.





Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT