+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

2021 jylǵy Tokıo Olımpıadasyna irikteý týrnırleri qashan bastalady

2020 jylǵy 26 qyrkúıek 23:48
Bólisińiz:
2021 jylǵy Tokıo Olımpıadasyna irikteý týrnırleri qashan bastalady

NUR-SULTAN. QazAqparat – Koronavırýs pandemııasynyń saldarynan álemdegi eń aıtýly sporttyq shara – Jazǵy Olımpıada oıyndary kelesi jylǵa shegerildi. Tokıoda top jarýdy ańsaǵan sportshylar tórt jyldyqtyń basty dodasyna taǵy bir jyl daıyndalatyn boldy. Osy rette QR Mádenıet jáne sport mınıstrliginiń Sport jáne dene shynyqtyrý komıtetine Olımpıada oıyndaryna qatysty birqatar saýal joldap kórgen edik.

QazAqparat agenttiginiń resmı saýalyna jaýap bergen komıtet Olımpıada oıyndaryna joldama oınalatyn lıtsenzııalyq jarystardyń bári keıinge qalǵanyn habarlady.

«Qazirgi ýaqytta koronavırýstyń taralý jaǵdaıyna qarap sport túrlerinen Halyqaralyq federatsııalar halyqaralyq sport is-sharalarynyń kúntizbelik josparyn pysyqtaýda. Atalǵan kúntizbe naqtylanǵannan keıin Qazaqtan Respýblıkasy Ulttyq Olımpıada komıtetimen, Sport túrlerinen akkredıttelgen sporttyq federatsııalarmen, jattyqtyrýshylar keńesimen birge qaralyp, otandyq sportshylardyń daıyndyq josparlaryna tıisti ózgerister engiziledi», - dep habarlaıdy komıtetten.

Búginge deıin Qazaqstan sportshylary 17 sport túrinen 42 lıtsenzııa jeńip alǵan. Naqtyraq aıtqanda sportshylar jeńil atletıkadan 3 lıtsenzııa (Georgıı Sheıko, Olga Rypakova, Aıman Ratova), tasjoldaǵy velosıped sporty 4 lıtsenzııa, júzýden 2 (Dmıtrıı Balandın), ashyq sýda júzýden 1 (Vıtalıı Hýdıakov), sadaq atýdan 4 (Musaev Sanjar, Gankın Denıs, Abdýllın Ilfat), sporttyq quzǵa órmeleýden 1 (Rıshat Haıbýllın) úılesimdi júzýden 1 (Aleksandra jáne Ekaterına Nemıch) grek-rım kúresinen 2 (Meırambek Aınaǵulov, Ashat Dilmuhamedov), áıelder kúresinen 2 (Valentına Islamova, Elmıra Syzdyqova), erkin kúresten 4 (Nurıslam Sanaev, Dáýlet Nııazbekov, Danııar Qaısanov, Álisher Erǵalı), sporttyq gımnastıkadan 1 (Mılad Karımı), stend atýdan 1 (Rysbekova Sársengúl), nysana kózdeýden 1 (ıÝrkov ıÝrıı), qazirgi bessaıystan 2 (Potapenko Elena, Ilıaenko Pavel), karate WKF-tan (Darhan Asadilov), bokstan (erler) 8 lıtsenzııa (Sáken Bıbosynov, Temirjan Serik, Safıýllın Zákir, Júsipov Abylaıhan, Amanqul Ábilhan, Nurdáýletov Bekzat, Levıt Vasılıı, Qamshybek Qońqabaev), boks (áıelder) 1 lıtsenzııa (Rıabets Nadejda) utyp alǵan.

Komıtettiń habarlaýynsha, QR bas memlekettik sanıtar dárigeriniń qaýlysyna sáıkes, ulttyq qurama komandalardyń daıyndyǵyn uıymdastyrýǵa qatysty barlyq sporttyq obektiler sanıtarlyq-epıdemııalyq talaptardy saqtaı otyryp, jumys istep jatyr.

Sondaı-aq 2021 jyly jazǵy Olımpıada oıyndarynda medal alǵan sportshylardyń syıaqysy burynǵydaı qalatyn boldy. ıAǵnı halyqaralyq sporttyq jarystardyń chempıondary men júldegerlerine, jattyqtyrýshylarǵa jáne sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) múshelerine aqshalaı kótermeleýdiń mólsheri Úkimettiń 2020 jylǵy 27 naýryzdaǵy qaýlysymen bekitilgen. ıAǵnı jazǵy, qysqy Olımpıada, Paralımpıada, Sýrdlımpıada oıyndarynda І oryn alǵandarǵa - 250 myń AQSh dollary, ІІ oryn alǵandarǵa - 150 myń AQSh dollary, ІІІ oryn alǵandarǵa - 75 myń AQSh dollary, ІV oryn alǵandarǵa - 30 myń AQSh dollary, V oryn alǵandarǵa - 10 myń AQSh dollary, VІ alǵan sportshylarǵa - 5 myń AQSh dollarynan beriledi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT