+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Qyzylordada áleýmettik nysandar paıdalanýǵa berildi

2020 jylǵy 26 qyrkúıek 10:03
Bólisińiz:
Qyzylordada áleýmettik nysandar paıdalanýǵa berildi

QYZYLORDA. QazAqparat - Qyzylordada qala kúni aıasynda birqatar áleýmettik nysandar paıdalanýǵa berildi, dep habarlaıdy QazAqparat tilshisi.

Uqsas jańalyqtar
Túrkistandy túletýge Shardara men Jetisaı aýdanynyń azamattary da atsalysýda Almatyda jol qıylystarynyń birinde kólik qozǵalysy shekteledi ShQO-da 300 shaqyrymǵa jýyq jol jóndeldi

Oblys ortalyǵyndaǵy jańadan boı kótergen aımaqtyń biri – Jappasbaı batyr kóshesinde 600 oryndyq jańa mektep el ıgiligine aınaldy. Saltanatty rásimge oblys ákimi Gúlshara Ábdiqalyqova men shahar basshysy Nurlybek Nálibaev arnaıy keldi.

Bilim uıasy sońǵy talaptarǵa sáıkes salynǵan. Onda oqýshylardyń jaryq ta keń, jańa tehnologııamen jabdyqtalǵan synyptarda sapaly bilim alýyna múmkindik bar. Sondaı-aq, mektep janynan erekshe balalarǵa arnalǵan arnaıy ortalyq ashylady. Mektepte 120 adamdy eńbekpen qamtylǵan. Bilim uıasynyń qurylysyn «Arııa-Jańa Astana» JShS júrgizdi.

Bıyl oblys ortalyǵynda kóptegen bilim oshaqtary jóndeýden ótkizildi.


«Jumyspen qamtýdyń 2020-2021 jyldarǵa arnalǵan jol kartasy» baǵdarlamasy aıasynda qaladaǵy №23, 43, 112, 173 mektepterde jáne Belkól kentindegi «Balapan» balabaqshasyna kúrdeli jóndeý júrgizildi. Sonymen birge, «Aýyl - el besigi» baǵdarlamasy aıasynda qalaǵa qarasty Aqsýat aýyldyq okrýgindegi №143 orta mektepke kúrdeli jóndeý jasaldy. Budan

bólek halyqaralyq jobalar arqyly qaıtarymsyz grant negizinde № 1, 4, 176 mektepter de jóndeýden ótti. Qala turǵyndarynyń suranysyna sáıkes, búginde «Báıterek» shaǵynaýdanynda 600 oryndyq jańa mekteptiń qurylysy júrgizilýde. Sondaı-aq, «Saıahat» shaǵynaýdany men E.Demesinov kóshesinen jeke ınvestor esebinen bilim uıasyn salý qolǵa alyndy.


Qala kúninde oblys ákimi Gúlshara Ábdiqalyqova men qala basshysy Nurlybek Nálibaev Syrdarııa ózeniniń sol jaǵalaýynan «Nurly jer» baǵdarlamasy aıasynda boı kótergen nesıelik úılerdi paıdalanýǵa berý rásimine qatysty.


Bilim salasynyń mamany Ulbala Mustafaeva qýanyshymen bólisip, memleket tarapynan kórsetilip jatqan qoldaýǵa turǵyndar atynan alǵysyn jetkizdi.

Qala kúninde berilgen №3 turǵyn aımaǵyndaǵy úıler qurylysyn «Baq- Bereke 2030», «Dáneker», «Sapaq» jáne «Astana Servıs LTD» kompanııalary júrgizgen. Bes qabattan turatyn 200 páterlik turǵyn úıdiń jalpy aýdany 12 myń 619 sharshy metrdi quraıdy.

Sońǵy jyldarda Qyzylorda qalasynda 14 jańa shaǵyn aýdan, 7 turǵyn úı kesheni boı kóterdi. Sol arqyly 10 myńǵa jýyq qyzylordalyq baspanaly boldy. Al Syrdarııa ózeniniń sol jaǵalaýyndaǵy qalanyń jańa bóliginde sońǵy eki jylda respýblıkalyq jáne oblystyq bıýdjetten 620 páterlik 13 kópqabatty arendalyq turǵyn úı men 240 páterlik 4 kópqabatty nesıelik turǵyn úıler salyndy. Sondaı-aq, jeke qurylys salýshylardyń esebinen 604 páterdi quraıtyn 14 kópqabatty turǵyn úıdiń qurylysy júrgizildi.


Bıylǵy jyldyń sońyna deıin 680 páterlik arendaly 14 kópqabatty úıdiń qurylysyn aıaqtaý josparlanyp otyr. Oblys jáne qala ákimderi saltanatty shara barysynda medıtsına salasynda qyzmet atqaratyn 2 turǵynǵa páter kiltin tabystady.

Sondaı-aq, qala kúninde Nursultan Nazarbaev dańǵylynda «Dárigerler alleıasy» ashyldy. Alleıa «Oblystyq kópbeıindi aýrýhana» mańynan salynǵan.


Aıta ketý kerek, Nursultan Nazarbaev dańǵylynyń boıyndaǵy Syr súleıleri alleıasynan Tasbóget kentine deıingi 8 shaqyrym aýmaqta kórkeıtý- kógaldandyrý sharalary jasalyp keledi. Bul jumys «Jumyspen qamtý jol kartasy» memlekettik baǵdarlama aıasynda qolǵa alyndy. Sol arqyly 4 sýburqaq pen gúlzarlar salyndy. Túrli-tústi quıma tastar tóselip, sońǵy úlgidegi jaryq shamdar ornatyldy.

Qala kúni merekesine oraı memleket jáne qoǵam qaıratkeri, soǵys jáne eńbek ardageri Ydyrys Qalıevtiń eskertkish-músinin ashý rásimi ótti.


Eskertkish-músinniń avtory – sýretshi-músinshi, KSRO jáne Qazaqstan Sýretshiler odaǵynyń múshesi Amangeldi Kenenbaev.

Sondaı-aq, buǵan deıin Qyzylordada qalalyq densaýlyq jáne demalys saıabaǵy

ashylǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT