+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Zeıin Álipbek jýrnalıster kásipodaǵynyń maqsat-mindeti týraly aıtyp berdi

2020 jylǵy 23 qyrkúıek 13:40
Bólisińiz:
Zeıin Álipbek jýrnalıster kásipodaǵynyń maqsat-mindeti týraly aıtyp berdi

NUR-SULTAN. QazAqparat – Kúni keshe «BAQ KASIPODAQ» salalyq kásipodaǵynyń basshylyǵyna kelgen belgili telejúrgizýshi Zeıin Álipbek jańa uıymnyń aldyndaǵy maqsat-mindetter jaıly aıtyp berdi, dep habarlaıdy QazAqparat tilshisi.

«Qazaqstan táýelsizdik alǵaly beri jýrnalısterdiń jeke salalyq kásipodaǵy birinshi ret qurylyp otyr. Buryn basqa kásipodaqtardyń quramynda jýrnalıster aqparat salasynyń qyzmetkeri retinde júrdi. Biraq bul qosalqylyqtan qandaı da bir mardymdy sharýa tyndyrylǵanyn kórip otyrǵan joqpyz. Al endi jańa kásipodaq – kádimgi zańdy uıym, búkil kásipodaqtardyń atqaratyn maqsat-mindeti sekildi jýrnalısterdiń áleýmettik-quqyqtyq máseleleriniń sheshilýine kómektesýdi, kerek jerde jýrnalısterdiń múddesin qorǵaýdy, olardyń damýyna jaǵdaı jasaýdy kózdeıdi», - dedi Zeıin Álipbek QazAqparat tilshisiniń suraǵyna bergen jaýabynda.

Kásipodaq basshysynyń aıtýynsha baspana alý nemese basqa da jeńildikter turǵysynan jýrnalıster eshqandaı baǵdarlamaǵa ilinbeı keledi.

«Sheraǵamyzdan «Jýrnalıstiń arqalaǵany altyn, jegeni jantyq» degen sóz qalǵanyn bilesiz. Bul sóz áli de ózekti. Jýrnalıst eldiń muńyn muńdap, joǵyn joqtap júrgenimen ózi sol ıgilikterdiń birin de kórmeıdi. Ashyq suraı da almaıdy – namys kóredi. Odan bólek jýrnalıster de el qatarly demalys-saýyqtyrý oryndaryna barǵysy keledi. Sol sekildi sportpen aınalysýyna da aıtarlyqtaı múmkindik jasalmaǵan. Osy sharýalardyń bárin jeke-jeke joba retinde júzege asyrý kózdelip otyr. Qazir sol maqsatty josparlardy toptastyryp, baǵdarlamalardy anyqtap, bir aıdyń ishinde olardy jarııalaımyz. Birden qoparyp tastaımyz dep aıtýǵa bolmaıtyn shyǵar. Óıtkeni kásipodaq jańa ǵana ashyldy», - dedi ol.

Zeıin Álipbek kásipodaqqa kirý tártibi erikti bolatynyn jetkizdi.

«Kásipodaq quramynda jýrnalıst kóp bolsa – ózimizge jaqsy. Kóbeıgen saıyn sózimiz de ótimdi bola túspek», - dep túıdi Zeıin Álipbek.

Eske sala ketsek, keshe Qazaqstanda buqaralyq aqparat quraldary men teleradıo habarlaryn taratý qyzmetkerleriniń «BAQ KASIPODAQ» salalyq kásipodaǵy qurylǵan bolatyn.

Jýrnalıster kásipodaǵy otandyq BAQ salasynyń damýy, tilshiler qaýymynyń qoǵamdaǵy yqpaly men róliniń artýyna, mártebesiniń kóterilýine kúsh salmaq.

Uıym tóraǵasy retinde jýrnalıstıkada 30 jyldyq tájirıbesi bar, kórermen kózaıymyna aınalǵan belgili telejúrgizýshi Zeıin Álipbek usynylyp, salaǵa jetekshilik etetin boldy.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT