+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Qarttar kúnine oraı birqatar sharalar ótedi

2020 jylǵy 22 qyrkúıek 23:56
Bólisińiz:
Qarttar kúnine oraı birqatar sharalar ótedi

NUR-SULTAN. QazAqparat - Halyqaralyq qarttar kúnine oraı elimizde birqatar sharalar ótedi, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.

Jyl saıyn 1 qazanda Halyqaralyq qarttar kúni atap ótiledi. Bıyl QR Eńbek jáne halyqty áleýmettik qorǵaý mınıstrligi atalǵan merekege oraı bir aıǵa sharalar josparyn ázirledi.

Josparǵa merekelik jáne saltanatty sharalar men aktsııalar, qaıyrymdylyq kómek pen baspana jaǵdaıyn jaqsartýǵa arnalǵan jáne taǵy basqa baǵyttardaǵy jobalar endi.

«Mysaly, ambýlatorııalyq-emhanalyq uıymdarda qarttar men múgedektigi bar tulǵalar úshin «Ashyq esik kúnderi» bolady. Kelýshiler tekserýden ótip, dárigerlerden keńes ala alady. «Júrekten júrekke» qaıyrymdylyq aktsııasy aıasynda naýqasy dendegen qart adamdarǵa azyq-túlik jıyntyqtary beriledi. Sondaı-aq basqa da kómek kórsetiledi», - dedi QR eńbek jáne halyqty áleýmettik qorǵaý vıtse-mınıstri Erlan Áýkenov.

Máselen, onyń aıtýynsha, jalǵyz turatyn qart adamdardyń, soǵys ardagerleri men tyl eńbekkerleriniń turmystyq jaǵdaıyn jaqsartý úshin elektr qurylǵylaryn, gaz qubyrlary men sanıtarlyq tehnıkany bútindeýge basymdyq berilip, páterler jóndeledi.

Taýar óndirýshilerdiń qatysýymen qazan aıynda ár demalys kúnderi jeńildetilgen baǵamen aýylsharýashylyq jármeńkeleri ótedi.

Qazaqstandaǵy barlyq is-sharalar men aktsııalar mindetti túrde áleýmettik araqashyqtyqty jáne karantındik qaýipsizdik sharalaryn saqtaı otyryp ótedi.

Eńbekmıni eldegi egde jastaǵy adamdardyń ómir súrý sapasyn jaqsartý boıynsha jumysty júıeli túrde júzege asyryp keledi.

«Biz 40-qa jýyq sharany qamtıtyn «Belsendi uzaq ómir» ulttyq josparynyń jobasyn jasadyq. Osy jospar aıasynda eldiń barlyq aımaqtarynda belsendi uzaq ómir súrý ortalyqtaryn ashý josparlanýda, onda egde jastaǵy adamdar bos ýaqytyn ótkize alady: aǵylshyn tilin úırený, kompıýterlik saýattylyq kýrstarynan ótý, emdik dene shynyqtyrý, bı jáne taǵy basqa. Osylaısha, biz qarttardyń kóńil-kúıin jaqsartýǵa tyrysamyz jáne olardyń qoǵamǵa belsene aralasýyna kómektesemiz», - dep qorytyndylady vıtse-mınıstr.



Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT