+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Aıgúl Qapbarova: Memleket basshysynyń usynystary – ýaqyt talaby

2020 jylǵy 11 qyrkúıek 13:56
Bólisińiz:
Aıgúl Qapbarova: Memleket basshysynyń usynystary – ýaqyt talaby

NUR-SULTAN. QazAqparat – Joldaýdaǵy tapsyrmalar men mindetterdiń biri -adam kapıtalyn damytý. Bul týraly Senat depýtaty Aıgúl Qapbarova málim etti, dep habarlaıdy QazAqparat.

«Prezıdent Qasym-Jomart Toqaevtyń Qazaqstan halqyna arnaǵan Joldaýynda adamı kapıtaldy damytý, jańa úlgidegi bilim salasyna ınvestıtsııany tartýdy jańa ekonomıkalyq baǵdardyń jeti qaǵıdatynyń biri retinde atap ótti. Adamı kapıtal ár adamnyń ómir boıy jınaqtaǵan bilimin, tájirıbesin, tipti densaýlyq jaǵdaıyn qoǵamnyń paıdasyna qyzmet etýge múmkindik týǵyzady. Bizdiń halqymyz adam densaýlyǵyn naqty kapıtalǵa balap, qysqa túrde «Densaýlyq – zor baılyq» dep tujyrymdady. Deni saý adam – jeke adamnyń ǵana emes, búkil qoǵamnyń baılyǵy, memlekettiń baılyǵy ekeni daýsyz. Sondyqtan densaýlyǵyn kútip, shynyqqan, sóıtip, qoǵamdy, eldi damytýǵa óz úlesin qosyp júrgen azamattyń orny bólek», - dedi senator.

Osy oraıda ol budan buryn elimizde «Salamatty Qazaqstan» degen memlekettik baǵdarlama qabyldanǵanyn eske saldy. Ol da memleketimizdiń ár azamattyń densaýlyǵyn saqtaýyn, densaýlyq saqtaý salasyn damytýdy kózdeıtin, jalpy alǵanda adamı kapıtaldy damytýdy qoldaıtyn qujat boldy.

«Densaýlyqty saqtaý, sapaly bilim berý, jumys oryndaryn qurý jáne kásibı daǵdylardy oqytý negizinde adamdarǵa ınvestıtsııa salý adamı kapıtaldy damytýǵa yqpal etedi. Bul kedeılikti joıýǵa jáne áleýmettik turǵydan birtutas qoǵam qurýǵa múmkindik beretin negizgi shart bolyp tabylady. Sondyqtan bul salalarǵa salynǵan ınvestıtsııalar bir-birin tolyqtyrady jáne kúsheıtedi. Bul degenimiz, qoǵamymyz da, memleketimiz de qanattas damyp, órkenıetke qaraı ilgerileı berý degen sóz. Joldaýdaǵy tapsyrmalar men mindetterdiń máni de osy – adam kapıtalyn damytý arqyly qoǵam men memleketti qatar damytyp, joǵary órkenıetke umtylý. Bul túptep kelgende halyqtyń jaǵdaıyn, ál-aýqatyn jasqartýǵa yqpal etetini aqıqat», - dedi A. Qapbarova.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT