+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Qoǵam memlekettik mekemeler bıýdjetiniń jumsalýyn onlaın baqylaı alady

2020 jylǵy 17 tamyz 10:56
Bólisińiz:
Qoǵam memlekettik mekemeler bıýdjetiniń jumsalýyn onlaın baqylaı alady

NUR-SULTAN. QazAqparat - QR Premer-Mınıstriniń orynbasary Eraly Toǵjanov memlekettik mekemeler bıýdjetiniń jumsalýyn onlaın rejımde qoǵamdyq baqylaýǵa múmkindik beretin jobamen tanysty, dep habarlaıdy QazAqparat tilshisi.

E.Toǵjanov «Halyq únine qulaq asatyn memleket» tujyrymdamasyn iske asyrý aıasynda Sybaılas jemqorlyqqa qarsy is-qımyl agenttigi Astana qalalyq departamentine baryp, «Antikor ortalygy» qyzmetimen tanysty.

Ortalyqtyń qyzmeti Sybaılas jemqorlyqqa qarsy qyzmettiń qoǵammen ózara árekettesýine jáne halyqpen tıimdi keri baılanysty qamtamasyz etýge arnalǵan alań retinde qurylǵan. Delegatsııa departamenttiń qabyrǵalary áınekten jasalǵan kabınetterin aralap, mundaı amaldar transparenttilik pen senimdiliktiń qolaıly jaǵdaıyn týdyratynyna nazar aýdardy.


Shara barysynda «Astana – Adaldyq alańy» jobasy aıasynda júzege asyrylyp jatqan bastamalar tanystyryldy. Onyń negizgi maqsaty – turmystyq sybaılas jemqorlyqty joıý, memlekettik qyzmetterdi alý kezinde qolaıly jaǵdaı jasaý jáne qoǵamdyq baqylaý quraldaryn tıimdi iske asyrýdy qamtamasyz etý.

Sondaı-aq, memlekettik mekemelerdiń bıýdjet qarajatynyń jumsalýyn onlaın rejımde qoǵamdyq baqylaý múmkindigin qamtamasyz etetin «Ashyq bıýdjetterdiń ınteraktıvti kartasy» jobasy usynyldy.

Departament qyzmetkerleri karantın jaǵdaıynda halyqpen jedel ózara árekettesýge múmkindik bergen «Antikor.Live» tikeleı efırleri men brıfıngteri týraly da aıtyp ótti.

Sybaılas jemqorlyqqa qarsy qyzmettiń aqparattyq-aǵartýshylyq shtabynyń jetekshisi Yrza Tursynzada qoǵamda sybaılas jemqorlyqqa qarsy kózqarasty qalyptastyrý, parasattylyq pen adaldyq qaǵıdattaryn nasıhattaý boıynsha shtabtyń júrgizip jatqan jumysy týraly aqparatpen bólisti.

Kezdesý qorytyndysy boıynsha Eraly Toǵjanov sybaılas jemqorlyqqa qarsy vedomstvonyń ashyqtyq pen aıqyndyqty qamtamasyz etýdegi, qoǵammen syndarly yntymaqtastyqtaǵy jumysyna oń baǵa berdi.

Atalǵan tájirıbeni túrli aqparattyq alańdarda keńinen taratyp, basqa memlekettik organdardyń jumysyna engizý kerektigin atap ótti.


Bizdiń kanalymyzǵa jazylyńyz:

Bólisińiz:

Avtor:

Zarına Týǵanbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT