Ulttyq bank bıylǵy ınflıatsııalyq kórsetkishke qatysty túsinik berdi

NUR-SULTAN. QazAqparat – QR Ulttyq bank tóraǵasy Erbolat Dosaev Qazaqstanda azyq-túlik qaı deńgeıde óskenin aıtyp berdi, dep habarlaıdy QazAqparat tilshisi.

«Jyldyq ınflıatsııa bıylǵy jylǵy shildede 7,1 paıyzdy qurap, Ulttyq banktiń boljamdaryna sáıkes qalyptasady. Azyq-túlik taýarlary baǵasynyń jyldyq ósýi 11,3% boldy jáne ınflıatsııaǵa negizgi úlesti qosýyn jalǵastyrýda», - dedi E. Dosaev Úkimet otyrysynda bıylǵy qańtar-shildedegi respýblıkalyq bıýdjetti oryndaý qorytyndylaryn talqylaý kezinde

Onyń ózine qaraǵanda, nan-toqash ónimderi men jarmalarda (13,8%), jemis-kókónis ónimderinde (13,4%) ósýdiń barynsha joǵary qarqyny saqtalýda. Bul rette et jáne et ónimderi baǵasynyń ósý qarqyny birshama baıaýlady (12,9%).

UB málimetinshe, azyq-túlikke jatpaıtyn taýarlar baǵasynyń jyldyq ósýi janar-jaǵar maı (JJM) baǵasynyń tómendeýi (benzın – shildede 0,2%-ke) aıasynda 5,4% deńgeıinde saqtaldy. Tótenshe jaǵdaı kezinde kommýnaldyq qyzmet tarıfterin ýaqytsha tómendetý áseriniń birtindep joıylýy aıasynda aqyly kórsetiletin qyzmet baǵasynyń jyldyq ósýi

3 %-ten shildede 3,2%-ke deıin artty. Retteletin kommýnaldyq qyzmetterdiń tarıfteri osy jylǵy shildede 0,9%-ke ósti.

Kelesi aılarda jyldyq ınflıatsııanyń 2020 jyldyń sońyna deıin 8-8,5% boljamdy traektorııasy aıasynda budan ári jyldamdaı túsýi múmkin.