+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Qazaqstannyń áskerı-medıtsınalyq jasaǵy Lıvanǵa keldi

2020 jylǵy 10 tamyz 14:13
Bólisińiz:
Qazaqstannyń áskerı-medıtsınalyq jasaǵy Lıvanǵa keldi

BEIRÝT. QazAqparat – QR Qorǵanys mınıstrliginiń arnaıy maqsattaǵy áskerı-medıtsınalyq jasaǵy Beırýtke keldi, dep habarlaıdy QazAqparat tilshisi vedomstvonyń baspasóz qyzmetine silteme jasap.

Beırýt halyqaralyq áýejaıynda jasaqty Qazaqstan Respýblıkasynyń Lıvan Respýblıkasyndaǵy ýaqytsha senimdi ókili Erjan Qalekenov, Lıvan Respýblıkasy Qorǵanys mınıstrliginiń ókili brıgadalyq general Ábı Karam jáne Lıvan Syrtqy ister mınıstrliginiń ókili Álı Dıranı qarsy aldy.

«Biz Lıvanǵa kómek kórsetýdegi Qazaqstannyń osy ıgi isin baǵalaımyz jáne QR Prezıdenti Qasym-Jomart Toqaevqa, kórsetken kómegi men qoldaýy úshin shyn júrekten rızashylyǵymyzdy bildiremiz», - dedi Lıvan Syrtqy ister mınıstrliginiń ókili Álı Dıranı.

Aıta ketý kerek, sáýirde tótenshe jaǵdaı kezinde elde koronavırýs ınfektsııasynyń taralýyna baılanysty arnaıy maqsattaǵy áskerı-medıtsınalyq jasaqtar quryldy. Olar jedel áreket etýge jáne Qarýly kúshter qolbasshylyǵynyń arnaıy mindetterin oryndaýǵa arnalǵan.

«Áskerı dárigerler elimizdiń túrli aımaqtarynda tapsyrmalardy oryndady jáne qazir el basshylyǵynyń tapsyrmasy boıynsha Lıvan halqyna medıtsınalyq kómek kórsetý úshin attandy. Ártúrli jaǵdaıda jumys isteý úshin arnaıy maqsattaǵy áskerı-medıtsınalyq jasaqtyń personaly bitimgershilik daıyndyq baǵdarlamasy boıynsha aǵylshyn tilin oqytý kýrstarynan ótken», delingen habarlamada.


Esterińizge sala keteıik, 8 tamyz kúni tańerteń QR Prezıdenti – QR Qarýly kúshteriniń Joǵarǵy Bas Qolbasshysynyń tapsyrmasy boıynsha porttaǵy jarylys saldarynan zardap shekkenderge medıtsınalyq kómek kórsetý úshin quramynda 29 áskerı dáriger men 4 aýdarmashysy bar top Beırýtqa jiberilgen bolatyn.

Eske sala ketsek, 4 tamyzda Lıvan astanasy Beırýt qalasyndaǵy portta joıqyn jarylys boldy. Jarylys saldarynan Qazaqstannyń SІM Lıvandaǵy dıplomatııalyq mıssııasy ǵımaratyna zaqym kelgen. Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin keńseden ketip qalǵan. Keńsede qalǵan konsýl jarylys tolqyny saldarynan jeńil jaraqat aldy.

QR Prezıdenti Qasym-Jomart Toqaev Lıvan Prezıdenti Mıshel Aýnmen telefon arqyly sóılesip, Lıvandaǵy qazaqstandyqtardyń qaýipsizdigin qamtamasyz etý jóninde ótinish bildirgen edi.

5 tamyz kúni jarylystyń neden shyqqany anyqtaldy. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalaıdy) portta uzaq ýaqyt saqtalyp, qaýipsizdik talaptary saqtalmaǵan.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT