+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Túrkııanyń Elshiligi Qazaqstanmen aradaǵy áýe qatynasynyń nelikten toqtatylǵanyn túsindirdi

2020 jylǵy 7 tamyz 20:22
Bólisińiz:
Túrkııanyń Elshiligi Qazaqstanmen aradaǵy áýe qatynasynyń nelikten toqtatylǵanyn túsindirdi

NUR-SULTAN. QazAqparat – Qazaqstandaǵy Túrkııanyń Elshiligi Qazaqstan men Túrkııa arasyndaǵy áýe qatynasynyń eki aptaǵa toqtatylý sebebin túsindirdi, dep habarlaıdy QazAqparat tilshisi.

Uqsas jańalyqtar
Qazaqstan Túrkııadaǵy jer silikinisinen zardap shekkenderge kómektesýge daıyn - Toqaev

Eske sala ketsek buǵan deıin Túrkııa men Qazaqstan arasyndaǵy áýe qatynasy eki aptaǵa toqtatylatyny habarlanǵan bolatyn. Bul týraly Túrik tarapy Air Astana kompanııasynyń jolaýshylar ushaǵy Anadoly eline ushqaly jatqan kezinde telefonmen habarlady. Bir saǵattan keıin áýe qatynasyn jasaýǵa tyıym salatyn resmı qujat jiberdi. Degenmen, Almaty-Ystanbul-Almaty reısin aıaqtaýǵa bir jolǵa ruqsat berildi. Sóıtip, josparly ýaqyttan eki saǵatqa keshikken 101 jolaýshy Ystanbulǵa attandy.

Qazaqstandaǵy Túrkııanyń Elshiligi bul jańalyqqa qatysty búgin habarlama taratty. Elshiliktiń habarlaýynsha Túrkııa koronavırýs pandemııasymen kúres aıasynda baýyrlas Qazaqstannyń qabyldaǵan sharalaryn joǵary baǵalaıdy. Basynan bastap Qazaqstanyń pandemııamen kúres jónindegi kúsh-jigerine qoldaý kórsetip keledi.

«Osy ýaqytqa deıin Túrkııadan Qazaqstanǵa eki ret resmı deńgeıde aýqymdy medıtsınalyq materıaldar men dárilik zattar túrinde kómek jetkizildi. Birqatar túrik kompanııalary da Qazaqstanǵa kómek jiberdi. Búkil álemde koronavırýs indeti densaýlyqqa tóndirip turǵan qaýip-qater aıasynda elder halyqaralyq saparlarǵa birqatar shekteý qoıýy múmkin. Osyǵan baılanysty ótken kezeńde Túrkııa da kóptegen eldermen jolaýshylar tasymalyn ýaqytsha toqtatqan bolatyn. Degenmen Qazaqstan Túrkııanyń halyqaralyq áýe qatynasyn qaıta bastaǵan sanaýly elderdiń biri boldy», - dep habarlaıdy Elshilikten.

Habarlanyp otyrǵandaı, bul joly máselege qatysty jasalǵan baǵalaý aıasynda Túrkııa 2020 jyldyń 5 tamyzynda birqatar eldermen, sonyń ishinde Qazaqstanmen halyqaralyq áýe kompanııalardyń jolaýshylar reısterin oryndaýdy ýaqytsha toqtatý týraly sheshim qabyldaǵan.

«Bul sheshim Túrkııa men Qazaqstan arasynda jolaýshylar tasymalyn júzege asyratyn barlyq áýe kompanııalardy qamtıdy. Sheshim qabyldanǵannan keıin 2020 jylǵy 5 jáne 6 tamyz kúnderinde josparlanǵan sońǵy ózara reıster qajetti ruqsattarmen oryndaldy. Áýe reısterin qaıta bastaý týraly máseleni pandemııa aǵymyn jáne elderdegi sanıtarlyq-epıdemıologııalyq jaǵdaıdy eskere otyryp, tıisti organdar aldaǵy kezeńde qaraıtyn bolady. Túrkııa osy kúnge deıin bolǵandaı árdaıym dos jáne baýyrlas Qazaqstan halqynyń janynan tabylady», - delingen habarlamada.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT