+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Qordaıda birneshe sport kesheni men farmatsevtıkalyq zaýyt salynýda

2020 jylǵy 5 tamyz 01:01
Bólisińiz:
Qordaıda birneshe sport kesheni men farmatsevtıkalyq zaýyt salynýda

TARAZ. QazAqparat – Jambyl oblysynyń ákimi Berdibek Saparbaev jumys saparymen Qordaı aýdanyna keldi. Sapary barysynda óńir basshysy bir qatar qurylys nysandary men sharýa qojalyqtaryn aralady, dep habarlaıdy QazAqparat tilshisi oblys ákimdiginiń resmı saıtyna silteme jasap.

Aımaq basshysy jumys saparyn qulpynaı ósirýmen aınalysyp otyrǵan «Qordaı Agro 2020» JShS-nen bastady. Sharýa qojalyq «Albıon» surypty qulpynaı ósirýde. Kásiporyn basshysy Varshahly Vaıhanyń aıtýynsha, jıdektiń bul surypynyń dámi erekshe, onyń 1 kılogrammy 1500 teńge turady.

Qulpynaı alqabynyń mańyna 40 ara uıashyqtaryn qoıý josparlanýda. Jalpy, sharýashylyq qulpynaı alqabyn 50 gektarǵa jetkizýdi kózdep otyr. Oblys ákimi ónimdi toǵyz aı boıy úzbeı alyp otyrý úshin qulpynaıdy jylyjaıda otyrǵyzý máselesin qarastyrýdy usynyp, oblys basshylyǵy tarapynan qoldaý kórsetiletinin jetkizdi.

Sarybulaq aýylyna arnaıy barǵan óńir basshysy «Samǵaý» sharýa qojalyǵynyń jumysymen tanysty. 478 gektar júgeri alqaptarynda tamshylatyp sýarý ádisi qoldanylady. Evgenıı Trýbnıkov basqaratyn sharýa qojalyǵy ár gektardan 980 tsentner ónim alady, al tamshylatyp sýarý qurylǵysy Italııadan satyp alynǵan. Oblys ákimi sharýashylyq jumysyna oń baǵasyn berip, júgeri alqaptaryn ulǵaıtý qajettiligi atap ótti.

Otar aýylyna barǵan Berdibek Saparbaev sporttyq-saýyqtyrý kesheniniń qurylysymen tanysyp, 25 tamyzǵa deıin nysannyń irgetasyn quıý jumystaryn aıaqtap, 1 qyrkúıekten qabyrǵasyn qalaý jumystaryn bastaýdy tapsyrdy.

«Jumysty tezdetý qajet. Jumysshylar sanyn kóbeıtip, qazan aıynyń sońyna deıin ǵımarat qurylysyn aıaqtap, ishki árleý jumystaryn bastaý úshin eki aýysym uıymdastyrý qajet», -dedi oblys ákimi.

Sonymen birge óńir basshysy sport keshenin bezendirýge, atap aıtqanda Qordaı aýdanynyń ataqty sportshylarynyń portretterin ilýge kóńil aýdarý qajettiligin atap ótti.

Gvardeıskıı qalashyǵynda aımaq basshysy №43 orta mektepke baryp, sodan keıin ımmýndyq preparattar shyǵaratyn bıofarmatsevtıkalyq zaýyt qurylysynyń barysyn baqylap, nysan qurylysy boıynsha shtab otyrysyn ótkizdi.

Zaýyt osy jyldyń aıaǵynda paıdalanýǵa beriledi dep josparlanýda. Qazirgi jaǵdaı qurylysshylar ýaqyt jaǵynan eki apta artta qalǵandyǵyn kórsetedi. Keshigýdiń sebepterine kóńil bólgen aımaq basshysy merdigerlerge nysanǵa qosymsha jumys kúshin tartý arqyly joǵalǵan ýaqyttyń ornyn toltyrý tapsyrdy.

«Zaýyt bıyl paıdalanýǵa tapsyrylýy tıis. Bul pandemııa jaǵdaıynda óte mańyzdy. Zaýytta ımmýnobıologııalyq dárilik preparattar, onyń ishinde qazirgi tańda klınıkalyq tekserýden ótip jatqan koronavırýstyq ınfektsııaǵa qarsy vaktsına óndirisi josparlanýda»,-dedi ol.

Zaýyt qurylysymen qatar zaýyt qyzmetkerleri úshin 60 páterlik turǵyn úı qurylysy bastalyp ketken. Berdibek Saparbaev úı qurylysyn bıyl aıaqtaýdy tapsyrdy.

Al, Úlken Sulýtór aýyldyq okrýginde oblys ákimi «Sulýtór» sharýa qojalyǵymen tanysyp, eldimekendegi orta mekteptiń kúrdeli jóndeý jumystarynyń jaı-kúıin barlady. Jospar boıynsha bilim ordasyndaǵy qurylys qyrkúıek aıynyń ortasynda aıaqtalmaq.

Oblys ákimi jumysty tezdetýdi, mektepti jańa oqý jylynyń basyna deıin tapsyrý qajettiligin atap ótti.

«Mektep oqýshylarynyń sany az bolǵandyqtan, oqý protsessi qashyqtyqtan emes, mektepte ótkeni abzal. Al, birinshi synyp oqýshylary sabaqty qashyqtyqtan oqysa, qandaı bilim alady», - dedi Berdibek Saparbaev.

Sonymen birge, Áljan ana aýylyna at basyn burǵan aımaq basshysy ondaǵy sporttyq-saýyqtyrý kesheniniń qurylysyna qanyqty. Birneshe sport zaly, boks alańy bar keshen qurylysy aǵymdaǵy jyldyń qazan aıynda tapsyrylmaq.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT