+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Dári-dármek pen medıtsınalyq buıymdar satý salasynda 869 quqyq buzýshylyq anyqtaldy

2020 jylǵy 4 tamyz 12:55
Bólisińiz:
Dári-dármek pen medıtsınalyq buıymdar satý salasynda 869 quqyq buzýshylyq anyqtaldy

NUR-SUTAN. QazAqparat - Memleket basshysynyń tapsyrmasyna sáıkes quqyq qorǵaý organdary COVID-19 pandemııasy kezeńde dárilik zattardy alypsatýmen aınalysýdyń jolyn kesý boıynsha aýqymdy is-sharalar júrgizýde, dep habarlaıdy QazAqparat tilshisi

Uqsas jańalyqtar
Almatyda ápkeli-sińliler pıramıdalyq chat qurǵan Medıtsına qaldyqtaryn kómýmen aınalysatyn mamandarǵa biliktilik talaptary ázirlendi Qan suıyltatyn dáriler nege Reseıdegiden qymbat?

Aqordanyń resmı saıtynda jazylǵanyndaı, elde qalyptasqan epıdemıologııalyq ahýal aıasynda jekelegen preparattarǵa joǵary suranysty paıdalana otyryp, naryqtyń josyqsyz qatysýshylary dári-dármekterdi bólshek saýdada belgilengen shekti baǵalarǵa qaramastan, olardy joǵary baǵamen sata bastaǵan.

Aǵymdaǵy jyldyń 5 shildesi men 3 tamyzy aralyǵynda dári-dármektiń baǵasyn kóterýdiń 522 faktisi anyqtaldy. Sonymen qatar, olardy zańsyz satý men daıyndaýdyń 338 faktisi belgili boldy.

Dári-dármekter men medıtsınalyq buıymdardy satý salasynda barlyǵy 869 quqyq buzýshylyq anyqtaldy, onyń ishinde 10 qylmystyq jáne 745 ákimshilik quqyq buzýshylyq anyqtaldy.

Atalǵan sannyń 742 faktisin ishki ister organdary, 111-in – Ekonomıkalyq tergeý qyzmeti, 14-in – Sybaılas jemqorlyqqa qarsy qyzmet jáne 2-in – Ulttyq qaýipsizdik komıtetiniń Shekara qyzmeti anyqtady.

Mysaly, Іshki ister organdary Nur-sultan qalasyndaǵy dárihananyń qosalqy úı-jaıynan túrli dárilerdiń 2811 oramasyn, quıýǵa arnalǵan 2650 júıeni, 400 dana betperde men 15 lıtr antıseptıkti zańsyz satý faktisin anyqtady, al dárihananyń ózinde olar satylmaǵan.

Sybaılas jemqorlyqqa qarsy is-qımyl agenttigi 7,4 mln.medıtsınalyq maskany zańsyz satý faktisi boıynsha, sondaı-aq, ókpeni jasandy jeldetý apparattaryn joǵary baǵamen satyp alý kezinde bıýdjet qarajatyn jymqyrǵan Qostanaı jáne Qyzylorda oblystarynyń densaýlyq saqtaý organdarynyń qyzmetkerlerine qatysty qylmystyq isterdi tergeýde.

Ekonomıkalyq tergeý qyzmeti jalǵan dárilik zattar men medıtsınalyq maqsattaǵy buıymdardy basqa taýar belgisin paıdalana otyryp, zańsyz óndiristi jolǵa qoıǵan Almaty qalasynyń úsh turǵynyna qatysty qylmystyq is qozǵady. 60 myń dana kontrafaktilik 17 túrli dári-dármek tárkilendi.

Budan basqa, quqyq qorǵaý organdary dári-dármek óndirýshiler men jetkizýshilerdiń arasynda baǵaǵa qatysty sóz baılasýǵa, olardy emdeý mekemelerinen jymqyrýǵa, gýmanıtarlyq kómekti satýǵa jol bermeý boıynsha is-sharalar júrgizýde.

Bul rette quqyq qorǵaý organdarynyń ózindik qaýipsizdik bólimsheleriniń jumysy atalǵan is-sharalardy oryndaý kezinde jeke quram arasynda sybaılas jemqorlyq kórinisteriniń aldyn alýǵa jáne adal kásipkerlerdiń quqyqtaryn buzýǵa jol bermeýge baǵyttalǵan.

Júrgizilip jatqan jumys pen qylmystyq isterdi tergeý Qaýipsizdik Keńesi Apparatynyń erekshe baqylaýynda.


Bizdiń kanalymyzǵa jazylyńyz:

Bólisińiz:

Avtor:

Aqbópe Ábdrasýl

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT