+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Qaraǵandy oblysynda 102 myńnan astam adam 42 500 teńge áleýmettik tólem aldy

2020 jylǵy 29 shilde 22:32
Bólisińiz:
Qaraǵandy oblysynda 102 myńnan astam adam 42 500 teńge áleýmettik tólem aldy

QARAǴANDY. QazAqparat - Qaraǵandy oblysynda 102 479 adam 42 500 teńge kóleminde birjolǵy áleýmettik tólem aldy. Ótinimderdi qabyldaý 1 qyrkúıekke deıin jalǵasady, dep habarlaıdy QazAqparat tilshisi.

Uqsas jańalyqtar

Qazaqstanda shilde aıynda qatań karantındik sharalardyń engizilýine baılanysty tabysynan aıyrylǵan adamdarǵa 42 500 teńge tólene bastady. Járdemaqy alýǵa 115 394 adam ótinish bergen.

Oblysta halyqty jumyspen qamtý máseleleri boıynsha 18 aýdandyq (qalalyq) shtab jumys isteıdi. Búgingi tańda 4 119 bos jumys orny bar. Bul negizinen qurylysshylar men qyzmet kórsetý mamandary sııaqty jumysshy mamandyqtar. Sondaı-aq, muǵalimder, medıtsına qyzmetkerleri jáne sııaqty basqa da suranysqa ıe mamandyqtar bar.

Eger qyzmetker qandaı da bir sebeppen jumystan bosatylsa nemese qysqartylsa, ol bos jumys oryndaryn usynatyn jumyspen qamtý ortalyǵyna júginýi kerek. Eger qolaıly jumys bolmasa, onda úsh kún ishinde azamatqa «jumyssyz» mártebesi beriledi de alty aıǵa deıin jumyssyz retinde járdemaqy tólenedi.

Esterińizge sala keteıik, bir jolǵy tólem 42 500 teńge tabysyn tolyq joǵaltqan jaǵdaıda ǵana taǵaıyndalady.

Járdemaqyǵa jalaqysy saqtalmaıtyn, demalysta júrgen qyzmetkerler (sharýashylyq júrgizý quqyǵyndaǵy memlekettik kásiporyndardyń qyzmetkerlerinen basqa, ekinshi deńgeıli bankterdiń, memlekettik zańdy tulǵalardyń qyzmetkerlerin qospaǵanda) úmitker bola alady. Tólemdi jeke kásipkerler men jeke tájirıbemen aınalysatyn adamdar, sondaı-aq azamattyq-quqyqtyq sharttar boıynsha tabys alatyndar jáne biryńǵaı jıyntyq tólemdi tóleýshiler de ala alady.

Qyzmetkerler úshin jumys berýshi ótinim berýi kerek. Jeke kásipkerler, jeke tájirıbemen aınalysatyn adamdar jáne frılanserler óz atynan ótinim bere alady.

Ótinimdi myna mekenjaılar arqyly berýge bolady:

- egov.kz «Elektrondyq úkimettiń» veb-portaly;

- 42500.enbek.kz portaly;

- telegram-bot;

- 42500.enbek.kz Aitu qosymsha messendjerinde;

- ekinshi deńgeıdegi bankterdiń mobıldi qosymshalary men ınternet-resýrstary;

Sondaı-aq, áleýmettik tólemder proaktıvti formatta alynady. Bul jaǵdaıda 42 500 teńge taǵaıyndaýǵa ótinim talap etilmeıdi. Áleýetti alýshyǵa birjolǵy tólemdi taǵaıyndaýǵa kelisim berý úshin uıaly baılanys quraldary arqyly SMS-habarlama jiberiledi.

Ótinimderdi qabyldaý 2020 jyldyń 1 qyrkúıegine deıin jalǵasady. Olardy resimdeý úshin elektrondyq-tsıfrlyq qoltańba qajet.

42 500 teńge tabystaryn ishinara joǵaltqandar; memlekettik járdemaqy jáne zeınetaqy alýshylar; 2020 jyldyń birinshi jartyjyldyǵynda birde-bir ret tólem jasamaǵan BJT tóleýshileri; sońǵy jartyjyldyqta zeınetaqy tólemderi joq azamattyq-quqyqtyq sharttar boıynsha jumys isteıtin frılanserler; penıtentsıarlyq júıe mekemelerindegi tulǵalar ala almaıdy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT