+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Kóbeıtuz kóline erekshe qorǵalatyn aýmaq mártebesi berilýi múmkin

2020 jylǵy 22 shilde 16:11
Bólisińiz:
Kóbeıtuz kóline erekshe qorǵalatyn aýmaq mártebesi berilýi múmkin

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev Aqmola oblysyndaǵy Kóbeıtuz kóline erekshe qorǵalatyn aýmaq mártebesin berýdi usyndy, dep habarlaıdy QazAqparat tilshisi.

«Sońǵy aılarda tirkelgen jaǵdaılar qysqa ýaqyttyń ishinde tumsa tabıǵattyń kórkin qalaısha qurtýǵa bolatynyn aıqyn kórsetip berdi. Bul - erekshe biregeı kól. Álbette, mobıldi beketter men shlagbaýmmen problema sheshile salmaıdy. Sebebi shlagbaým bar jerde ony attap ótkisi keletinder de kóp bolady», - dedi Maǵzum Myrzaǵalıev OKQ-da ótken baspasóz máslıhatynda.

Mınıstrdiń aıtýynsha, problemany sheshýdiń eki joly bar.

«Birinshisi – ekologııalyq bilim jáne aıyppul mólsherin kóbeıtý. Ekinshisi – kóldiń biregeıligin paıdalana otyryp, biz oǵan erekshe qorǵalatyn tabıǵa aýmaq mártebesin bersek deımiz. Osylaısha oǵan qatysty shekteý sharalary kúshine enedi», - dedi Maǵzum Myrzaǵalıev.

Eske sala ketsek buǵan deıin Ekologııa, geologııa jáne tabıǵı resýrstar mınıstrligi Kóbeıtuzdyń lastanyp, ol jaqtan tuzdyń tıelip áketilýine baılanysty alańdaýshylyq bildirgen bolatyn. Buǵan halyqtyń kólge kóptep kelip, tuzyn qazyp, mańaıyn qaldyqqa toltyryp ketýi sebep bolǵan. Tipti áleýmettik jelide Kóbeıtuzdyń tuzyn kelisin bes myń teńgege satqandar da paıda boldy.

Ókinishtisi, kólge barǵanymen tártip saqtamaı, sýǵa kóligimen kirip ketkender de kezdesti. Keıin Aqmola oblysynyń polıtseıleri kóligimen kólge kirip ketken adamnyń tabylyp, jazalanǵanyn habarlady.

Taıaýda Aqmola oblysynyń tabıǵı resýrstar jáne tabıǵatty paıdalanýdy retteý basqarmasy Kóbeıtuz ben Qorjynkól kólderin 49 jylǵa jalǵa berýge baıqaý jarııalaǵan edi. Keıinnen Kóbeıtuz jalǵa berilmeıtin boldy.

Aıta keteıik, elordadan 170 shaqyrym jerde ornalasqan Kóbeıtuz kóline karantın bitkenshe barýǵa tyıym salynǵan.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT