+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Kádirbek Segizbaev: Dári-dármekti qymbatqa satyp, paıda tapqandardy aıamaı jazalaý kerek

2020 jylǵy 13 shilde 12:44
Bólisińiz:
Kádirbek Segizbaev: Dári-dármekti qymbatqa satyp, paıda tapqandardy aıamaı jazalaý kerek

NUR-SULTAN. QazAqparat – Belgili jazýshy, jýrnalıst Kádirbek Segizbaev jurtshylyqty saqtyqqa shaqyrdy, dep habarlaıdy QazAqparat tilshisi.

Uqsas jańalyqtar
Almaty COVID-19-ben kúreste basqa óńirlermen tájirıbe bólisip jatyr Almaty ákimi jańa modýldik aýrýhananyń vıdeosyn jarııalady Qazaqstanda koronavırýstan 37 bala emdelýde

«Bul jalǵyz qazaqqa ǵana emes, búkil álem jurtshylyǵynyń basyna tóngen úlken qasiret qoı. Jalpy men azamat bolǵaly tek ákelerimizdiń, babalarymyzdyń úlken dertterge ushyraǵanyn, oba nemese súzekti ótkergenderin jıi estıtinmin. Keıingi kezde medıtsına ǵylymy ábden jetildi ǵoı. Mundaı sumdyqtar endi bola qoımas dep oılaýshy edik. Aıaq astynan osyndaı náýbet boldy. Degenmen bul náýbet – halyqtyń basyna túsken úlken syn dep aıtýǵa bolady. Bylaısha aıtqanda, «myltyqsyz maıdan». Qazir ońymyzdan kele me, solymyzdan kele me, aspannan shyǵa ma, jerden kele me – adam bilmeıdi. Áıteýir aýrý juqtyrǵan aǵaıyndar, joldas-joralar tym kóbeıip ketti. Shyǵyn da az emes. Munyń bári qalaı bolǵanda da úlken qasiret», - dedi Kádirbek Segizbaev QazAqparat tilshisine telefon arqyly bildirgen pikirinde.

Jazýshy Memleket basshysy Qasym-Jomart Toqaevtyń búgingi kúndi – Jalpyulttyq aza tutý kúni dep jarııalaý týraly sheshimin qoldaıtynyn jetkizdi.

«Bul óte durys. Qalaı bolǵanda da óli razy bolmaı, tiri baıymaıdy. Bizdiń keshe ǵana qasymyzda júrgen azamattar, joldas-joralarymyz o dúnıelik bolyp jatyr. Munyń bári myltyqsyz maıdannyń qurbandary. Muny anaý jasapty, mynaý jasapty dep kinálaýǵa bolmas. Bul vırýs múmkin tabıǵı, bálkim jasandy shyǵar. Qalaı bolǵanda da biraz azamattarymyzdyń qaıtys bolyp jatqany ras. Marqumdardyń jatqan jeri jaıly, topyraǵy torqa bolsyn», - degen jazýshy kóz jumǵan azamattardyń artynda qalǵan bala-shaǵasyna, joldas-joralaryna amandyq tiledi.

Kádirbek Segizbaev óz sózinde jurtshylyqty saq bolýǵa shaqyrdy.

«Bul náýbetten kún ysyǵanda nemese kún sýyǵanda qutylamyz degen áńgime shyqty. Munyń bári bir Allanyń qolynda shyǵar. Qalaı bolǵanda da budan qutylarymyz ras. Qazir búkil álem bolyp indetke qarsy áreketter jasalyp jatyr. Sol sebepti úmitimiz esh ýaqytta azaımaıdy. Biz el bolyp, jurt bolyp, budan da qutylamyz», - dedi ol.

Jazýshy kópshiliktiń saqtyq sharalaryn saqtaı bermeıtinin ókinishpen aıtyp ótti.

«Toı-tomalaq, qaza bolǵandardy janazalap shyǵaryp salý, toptalyp barý degender – aýrýdyń juǵýyna birden-bir sebep bolyp otyr. Sondyqtan halqymyzdy sabyrǵa shaqyrǵan durys shyǵar. Árbirimiz qazir óz basymyzdy oılamaıyq. Bul aýrýdyń keseli qıyn kórinedi. Ár adam ózin saqtasa – aǵaıyndaryn da saqtaıdy degen sóz. Jaqynyna janashyr bolý degen osydan shyǵady dep oılaımyn. Sondaı-aq osyndaı náýbet kezinde, halyqtyń basyna qasiret túsip turǵan ýaqytta keıbir paıdaqor usaq adamdardyń dári-dármekti alyp qymbatqa satýy, saýdagerlik jasaýy – bizdiń qazaq úshin jaraspaıtyn úlken min dep sanaımyn. Úkimettiń bul jaǵdaıdy qaıta-qaıta eskertip aıtyp jatýy oryndy sharýa. «Aıýǵa namaz úıretken» taıaq deıdi. Mundaı ospadarlardy aıamaı jazalaý kerek. Onsyz da jegishtik, jemqorlyq áýrege salyp turǵan kezde náýbetke náýbet qosýǵa bolmaıdy. Elimiz aman, jurtymyz tynysh bolsyn, aǵaıyn», - dep túıdi Kádirbek Segizbaev.

Aıta ketsek elimizde qalyptasqan ahýalǵa baılanysty halyqqa úndeý jasaǵan QR Prezıdenti Qasym-Jomart Toqaev 13 shildeni – Ulttyq aza tutý kúni dep jarııalaıtyny týraly málim etken bolatyn. Tıisti ókimge Memleket basshysy kelesi kúni qol qoıdy.

Qazaqstanda koronavırýs pandemııasynyń qurbany bolǵan azamattardy eske alýǵa baılanysty búgin - Jalpyulttyq aza tutý kúni.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT