Taldyqorǵan dárihanalarynda vırýsqa qarsy dári-dármek eki ese qymbatqa satylǵany anyqtaldy

TALDYQORǴAN. QazAqparat - Taldyqorǵan dárihanalarynda vırýsqa qarsy dári-dármekter eki ese qymbat baǵaǵa satylǵany anyqtaldy, dep habarlaıdy QazAqparat tilshisi.

Uqsas jańalyqtar

Qyzylorda oblysynda 134 dárige shekti baǵa engizildi

Almaty oblystyq Polıtsııa departamenti baspasóz qyzmetiniń málimetinshe, tekserý barysynda birneshe derek anyqtalyp, nátıjesinde negizsiz baǵa ósirgen dárihanalar tıisti jaýapkershilikke tartyldy.

«Esterińizge salyp óteıin, qalada jumys isteıtin barlyq dárihanalar tekserýden ótedi. Atap aıtqanda, sońǵy shara kezinde dárihanalardyń birinde «Ingavırın-90» vırýsqa qarsy dárini tıisti qujatsyz jáne eki ese qymbatqa satqany anyqtaldy», - dedi Taldyqorǵan qalalyq Polıtsııa basqarmasynyń bastyǵy Asqar Nursapa.

Onyfń aıtýynsha, búgingi kúni joǵary suranysqa ıe dári-dármekterdi turǵyndarǵa joǵary baǵada saýdalaǵan birneshe dárihana áshkerelendi.

«Bul jeke derekter emes ekenine senimim mol. Bizdiń basty mindetimiz - azamattarǵa medıtsınalyq qyzmet kórsetetin adamdar men uıymdar tarapynan zańsyz is-áreketterdi boldyrmaý, olardyń jolyn kesý. Ókinishke oraı, tájirıbe kórsetkendeı, mundaı uıymdar, fırmalar men jeke tulǵalar arasynda qazirgi qıyn jaǵdaıdy paıdalana otyryp, «qalta toltyrýdy» nemese bıznes jasap qalýdy oılaıtyn adamgershiligi tómen jandar kezdesedi», - dedi Asqar Nursapa.