Reseı qazaǵy Dımash Qudaıbergenge arnap kúı shyǵardy

NUR-SULTAN. QazAqparat - Reseıde turatyn etnıkalyq qazaqtar Dımash Qudaıbergenge arnap kúı shyǵardy, dep habarlaıdy QazAqparat.

Eske sala keteıik, Ulttyq dombyra kúnine oraı «QazAlliance» sheteldegi qazaqstandyqtar alıansy «World Dombyra Festival» jobasyn qolǵa alǵan bolatyn. Atalǵan jobaǵa álemniń 25 eli men 36 qalasynan qazaqstandyqtar men etnıkalyq qazaqtar qatysty. Olardyń barlyǵy derlik - dombyra sheberleri.

Joba aıasynda elimizdiń jaryq juldyzy Dımash Qudaıbergenge arnalǵan «Dımash Baıjuma» kúıi jaryqqa shyqty.

«World Dombyra Festival» jobasyna Reseıdiń Altaı Respýblıkasynan qatysýshy Janaıdar Nursalıev osylaısha Dımashtyń qurmetine kúı arnap, barlyq qazaqstandyqtardy jáne Dımashtyń ónerine tánti jankúıerlerdi («Dears») erekshe qýanysh pen shattyqqa bóledi.

Aıta keteıik, jobaǵa «QazAqparat» HAA aqparattyq seriktes retinde qoldaý kórsetken.