+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

World Dombyra Festival: Álemniń 25 eli men 36 qalasynda qazaq kúıleri tógildi

2020 jylǵy 5 shilde 18:21
Bólisińiz:
World Dombyra Festival: Álemniń 25 eli men 36 qalasynda qazaq kúıleri tógildi

NUR-SULTAN. QazAqparat - «QazAlliance» sheteldegi qazaqstandyqtar alıansy 20 maýsym men 5 shilde aralyǵynda «World Dombyra Festival» atty jahandyq joba ótkizdi. Birinshi kezeńde jergilikti jerlerde festıval ótse, ekinshi kezeńde festıval qortyndysy boıynsha 5 shilde beıneklıp jaryqqa shyqty, dep habarlaıdy QazAqparat.

Jobany Álisher Tursyn jetekshilik etetin «QazAlliance» sheteldegi qazaqstandyqtar alıansy qolǵa alǵan. Atalǵan jobaǵa «QazAqparat» HAA aqparattyq seriktes retinde qoldaý kórsetse, Almaz Túlenov bastaǵan Kusto Group kompanııasy demeýshilik jasady.

«World Dombyra Festival» jobasyna álemniń 25 eli men 36 qalasynan qazaqstandyqtar men etnıkalyq qazaqtar qatysty. Olardyń barlyǵy derlik - dombyra sheberleri. QazAlliance ókilderiniń aıtýynsha, bul festıval Ulttyq dombyra kúnine oraılastyrylǵan. Sol sebepti «World Dombyra Festival» jobasyn jyl saıyn ótkizý josparlanyp otyr.

Uıymdastyrýshylardyń aıtýynsha, jobanyń maqsaty - shet elderde Qazaqstannyń ımıdji men mádenıetin tanytý, óskeleń urpaqty ulttyq qundylyqtar men ulttyq ónerge baýlý jáne ulttyq biregeıligimizdi dáripteý.

Jobanyń eń tamasha tosynsyıy - elimizdiń jaryq juldyzy Dımash Qudaıbergenge arnalǵan «Dımash Baıjuma» kúıi boldy. «World Dombyra Festival» jobasyna Reseıdiń Altaı Respýblıkasynan qatysýshy Janaıdar Nursalıev osylaısha Dımashtyń qurmetine kúı arnap, barlyq qazaqstandyqtardy jáne Dımashtyń ónerine tánti jankúıerlerdi («Dears») erekshe qýanysh pen shattyqqa bóledi.

Esterińizge sala keteıik, «QazAlliance» 2015 jyly qurylǵan, búginde álemniń 20-dan astam elinde ókili bar. Sheteldegi qazaqstandyqtardyń birqatar iri qaýymdastyqtaryn biriktiredi.

Olar jumysy men sabaǵynan tys ýaqytta shetelde Qazaqstanǵa paıdaly jobalardy júzege asyrady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT