Atyraýda Saǵyz ózenine 2 adam batyp ketti

ATYRAÝ. QazAqparat – Atyraý oblysynyń Qyzylqoǵa aýdanyndaǵy Saǵyz ózenine bir kúnde 2 adam batyp ketti, dep habarlaıdy QazAqpara.

Uqsas jańalyqtar

Almaty oblysynda jardan aýdarylǵaly turǵan kóliktegi jolaýshylar qutqaryldy

Qytaıdaǵy apat: Jer astynda qalyp qoıǵan kenshilerdiń 11-i qutqaryldy Qytaıda jer astynda qalyp qoıǵan kenshi eki aptadan soń qutqaryldy Elordada boıjetken úshin janjaldasqan jigitter qarýdan oq atqan

Oblystyq Tótenshe jaǵdaılar departamenti baspasóz qyzmetiniń málimetine súıensek, qaıǵyly oqıǵa 4 shildede Saǵyz ózeniniń Muqyr selolyq okrýgine qarasty Qaraqudyq qystaǵy tusynda bolǵan.

«Muqyr aýylynyń 1985 jáne 2005 jylǵy 2 turǵyny Saǵyz ózenine shomylýǵa barǵan. Alaıda, olar ózenniń arnaıy jabdyqtalmaǵan jerinde shomylyp, sýǵa ketken. Búgin, 5 shildede saǵat 00:30 shamasynda Qyzylqoǵa aýdandyq tótenshe jaǵdaılar bóliminiń qyzmetkerleri men jergilikti turǵyndar sýǵa ketkenderdiń denesin taýyp, ózennen shyǵardy», -dep habarlady departamenttiń baspasóz qyzmeti.

Departament qyzmetkerleriniń aıtýynsha, mundaı qaıǵyly oqıǵa qaýipsizdik sharalaryn saqtamaýdan oryn alǵan. Sondaı-aq, turǵyndar tarapynan arnaıy jabdyqtalmaǵan jerde shomylý oqıǵalary jıi qaıtalanyp otyr.

Eske sala ketelik, budan buryn Atyraýda Jaıyqqa batyp ketken jigitti taba almaı jatqanyn habarlaǵan edik.