Baıqońyrda 13 jasar qyz bala sýǵa batyp ketti

BAIQOŃYR. QazAqparat - Baıqońyr qalasynda búgin 13 jasar qyz bala Syrdarııaǵa sýǵa batyp ketti, dep habarlaıdy QazAqparat tilshisi.

Oqys oqıǵa jónindegi habarlama oblystyq tótenshe jaǵdaılar departamentine jergilikti ýaqytpen 14.10 shamasynda tústi. Departament mamandary dereý iske kiristi. Qyzdy izdeýge Reseı Federatsııasy tótenshe jaǵdaılar salasy qyzmetkerleri jáne Qazaqstan Respýblıkasynyń Baıqońyr qalasynda ornalasqan tótenshe jaǵdaılar jáne órt sóndirý bólimderi jumyldyryldy.

«Qazir mamandardyń kúshimen 13 jastaǵy qyzdyń denesi izdestirilýde. Ol týystarymen birge sol mańdaǵy demalys ornyna tynyǵýǵa kelgen. Demalys ornyna 20 metr jerde darııa ornalasqan. Qyz bala ózenge sýǵa túsken. Qazir Aral aýdanynan sýdan qutqarý qyzmetiniń súńgýir mamandary shaqyryldy. Mamandar endi qyzdyń denesin sý astynan izdeıdi», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Budan buryn Qyzylordada lıft ishinde qalyp qoıǵan bala qutqarylǵan bolatyn.