+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

SQO polıtseıleri 724 qarýdy joıdy

2020 jylǵy 4 shilde 05:00
Bólisińiz:
SQO polıtseıleri 724 qarýdy joıdy

PETROPAVL. QazAqparat – Soltústik Qazaqstan oblysynyń polıtseıleri bir jyl boıy tárkilenip, jınalǵan 724 qarýdy arnaıy komıssııanyń qatysýymen joıdy, dep habarlaıdy QazAqparat tilshisi.

Uqsas jańalyqtar
SQO-da bir táýlikte 14 mas júrgizýshi ustaldy Atyraýda 8 aıda jol apatynan 39 adam mert boldy SQO-da lańkestik pen ekstremızmdi nasıhattaǵan turǵyn 7 jylǵa sottaldy

SQO Polıtsııa departamenti baspasóz qyzmetiniń málimetinshe, elimizde tárkilengen, aktsııa barysynda tapsyrylǵan qarýdy zańdastyrý kózdelmegen, sondyqtan olardyń barlyǵy joıylýy tıis. 1-2 shilde kúni óńir polıtseıleri osyndaı qarýdyń kezekti partııasyn joıdy. Bul jumys jylyna bir ret, komıssııanyń qatysýymen mindetti túrde beıne tirkeý arqyly júzege asyrylady. Eń aldymen polıtseıler kameraǵa joıylýy tıis qarýlardyń nómirlerin ataıdy, uńǵylaryn kesip paıdalanýǵa jaramsyz etedi. Keıin mórlengen jáshikterge salynǵan qarý-jaraq kúzetpen qurysh balqytatyn peshi bar kásiporynǵa jetkiziledi. Osy joly 724 qarý balqytyldy. Onyń ishindegi 26-sy ákimshilik jáne qylmystyq sottardyń sheshimimen joıyldy.

«Bul kóbine zańsyz saqtalǵan, brakonerlerden tárkilengen, qylmyskerlerden alynǵan qarý-jaraq. Negizinen zańsyz qarýdy oblys turǵyndary óz erkimen tapsyryp jatady. Kóp jaǵdaıda mura retinde qalǵan ańshylyq myltyqty da tapsyrady, adamdar qaýipti zatty resimdegisi kelmeıdi. Joǵalǵan nemese jasyrylǵan qarýdy taýyp alyp tapsyratyndar da bar. Munda tek tegis uńǵyly qarý ǵana joıylady, oıyqty qarý Almatyǵa jiberiledi», - deıdi SQO Polıtsııa departamenti Tyldyq qamtamasyz etý basqarmasynyń bastyǵy Aleksandr Terehov.

Bul joly joıylǵan 724 qarýdyń 109-yn soltústikqazaqstandyqtar tirkelmegen qarýdy satyp alý boıynsha byltyrǵy aktsııa barysynda tapsyrǵan. Polıtseıler erikti túrde tapsyrý arqyly ǵana zańsyz saqtaǵany úshin jaýapkershilikten bosatylatynyn eske salady. Júrgizilip jatqan aktsııa aıasynda tirkelmegen qarý, oq-dári men jarylǵysh zattardy tapsyrǵandar aqshalaı syıaqy ala alady. Ol úshin aýmaqtyq polıtsııa bólinisine nemese «102» arnasyna qońyraý shalý qajet.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT