+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Jambyl oblysynda «Eginjaı kúni-2020» semınar-keńesi ótti

2020 jylǵy 6 maýsym 21:27
Bólisińiz:
Jambyl oblysynda «Eginjaı kúni-2020» semınar-keńesi ótti

TARAZ. QazAqparat – Jambyl oblysynyń Merki aýdanynda dástúrli «Eginjaı kúni» semınar-keńesi ótti. Onyń barysynda qatysýshylar birqatar agroqurylymdardyń jumysymen tanysyp, aýylsharýashylyq ónimderi men arnaıy tehnıkalar kórmesin aralap, saladaǵy ózekti máselelerdi saralady, dep habarlaıdy QazAqparat oblys ákimdiginiń resmı saıtyna silteme jasap.

Uqsas jańalyqtar
Armanǵa adaldyq: Ulttyq kompanııadaǵy qyzmetin tastap, aýylǵa ketip, irimshik jasaýda Qazaqstanda 316 myń tonna shıtti maqta jınaldy – QR AShM «Aýyl» partııasy sharýalarǵa jyldyq ótemaqysy 2 paıyzdy quraıtyn nesıe berý júıesin usynady

Sharaǵa oblys ákimi Berdibek Saparbaev, Aýyl sharýashylyǵy mınıstrligi men basqarmalarynyń tóraǵalary, aýdan ákimderi, obystyń barlyq aımaǵynan kelgen sharýa qojalyqtarynyń jetekshileri, sondaı-aq ǵylymı-zertteý ınstıtýttarynyń mamandary qatysty.

Jınalǵandar aldymen «Aspara-Han» jylyjaı kesheniniń, «Smart Agro karkara» JShS, «Nýr-P», «Gúlder» jáne ara sharýa qojalyǵynyń jumystarymen tanysty.

Aýdandaǵy «Sypataı batyr» JShS-inde de jemisti jumystar kóp. Seriktestik jetekshisi Qanat Shaıhıevtiń ótken jyly ár gektardan 30 tsentnerden astyq jáne 861 tsentner qant qyzylshasyn alǵandyǵyn aıtady.

Osy agroqurylym bazasynda aýylsharýashylyq ónimderiniń kórmesi, sondaı-aq semınar-keńes uıymdastyrylyp, onyń barysynda agroónerkásiptik keshenniń jetistikteri men máseleleri talqylandy.

Keńesti ashyp, júrgizip otyrǵan oblys ákimi Berdibek Saparbaev ústimizdegi jyldyń tórt aıynda aýyl sharýashylyǵynyń jalpy ónim kólemi 39,4 mlrd. teńgeni quraǵanyn, ol ótken jyldyń sáıkes kezeńimen salystyrǵanda 103,7 paıyzǵa artyq ekendigin atap ótti. Bul eldiń barlyq oblystary arasyndaǵy eń joǵary kórsetkish. Aýyl sharýashylyǵyn damytýǵa 29 mıllıard teńge, onyń ishinde respýblıkalyq bıýdjetten 18 mıllıard, oblystyq bıýdjetten 11 mıllıard teńge bólingen. Naqtyraq aıtsaq, ósimdik sharýashylyǵyn damytýǵa 4,4 mıllıard teńge, mal sharýashylyǵyna 7,4 mıllıard teńge, óńdeý ónerkásibine 831,6 mıllıon teńge, ınvestıtsııalyq sýbsıdııalarǵa 6,6 mıllıard teńge qarastyrylǵan.

Aǵymdaǵy jyly egis alqaptarynyń jalpy kólemi 710 myń gektarǵa jetti. Eger byltyr sý únemdeıtin tehnologııalar 20,5 myń gektar jerge engizilgen bolsa, bıyl sýarmaly jerlerdi 30 myń gektarǵa jetkizý kózdelgen.

Basqosýda ǵylymı-zertteý ınstıtýttarynyń ókilderi ózderiniń ǵylymı tájirıbelerimen bólisip, halyqaralyq kompanııalarmen yntymaqtastyqtyń nátıjeleri, egistikti sýarýǵa arnalǵan joǵary tehnologııalyq qondyrǵylardyń artyqshylyqtary, jańa rentabeldi daqyldar týraly áńgimeledi.

Sondaı-aq, semınar-keńeste QR Aýyl sharýashylyǵy mınıstrligi tehnıkalyq qamtamasyz etý basqarmasynyń basshysy Baqyt Іlııasov, «Bystrýha Astana» JShS, Qazaq ulttyq agrarlyq ýnıversıtetiniń ókilderi jáne taǵy basqalar sóz alyp, oılaryn ortaǵa saldy.

Kezdesý sońynda Berdibek Saparbaev aýdan ákimderine, aýyl sharýashylyǵy basqarmasy men bólimderiniń basshylaryna sý únemdeýshi tehnologııalardy qoldana otyryp sýarmaly jerlerdiń kólemin ulǵaıtý, sonymen qatar tehnıkany jańartý kórsetkishterin 10 paıyzǵa jetkizý, jylyjaı óndirisin damytý, mıneraldy tyńaıtqyshtardy keńinen engizý jáne joǵary ónimdi sapaly tuqymdardy qoldaný, aýyl sharýashylyǵy salasynda ǵylym men ınnovatsııalardy engizýdiń mańyzdylyǵyna toqtalyp, naqty tapsyralar júktedi.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT