Qostanaı oblysynda 21 jastaǵy jigit sýǵa ketti

QOSTANAI. QazAqparat – Qostanaı oblysynda 21 jastaǵy jigit sýǵa batyp ketti, dep habarlaıdy QazAqparat.

Aqparatty oblystyq TJD baspasóz qyzmeti rastady. Oqıǵa búgin Qarasý aýdanynda bolǵan.

«Іzdestirý jumysynyń nátıjesinde jedel-qutqarý jasaǵynyń qyzmetkerleri Aıdarly sý aıdynynan 1999 jylǵy jigittiń denesin alyp shyqty. Kýágerlerdiń aıtýynsha, jas jigit 3 maýsym kúni dostarymen sý jaǵasynda júrgen. Sýǵa shomylýǵa jabdyqtalmaǵan jerde belgisiz jaǵdaıda sýǵa batyp ketken», - delingen TJD habarlamasynda.

Qostanaı oblysy Tótenshe jaǵdaılar departamenti azamattardy sýdaǵy qaýipsizdik erejelerin saqtaýǵa shaqyrady.