Baqytjan Saǵyntaev Alataý aýdanyndaǵy áleýmettik máselelerge basa nazar aýdardy

ALMATY. QazAqparat – Almaty qalasynyń ákimi Baqytjan Saǵyntaev búgin jumys saparymen Alataý aýdanyn aralady, dep habarlaıdy QazAqparat tilshisi.

Uqsas jańalyqtar

Bıyl jóndeýden ótken 2,6 myń shaqyrym jol paıdalanýǵa beriledi

2025 jylǵa deıin óńirlerde 4 avtovokzal, 6 avtostansa salynady Shardarada «Aýyl – el besigi» baǵdarlamasy aıasynda joldar jóndelýde Qazaqstan Halyqaralyq seısmıkaǵa tózimdi qurylys qaýymdastyǵyna múshe boldy

Megapolıs basshysy birqatar áleýmettik mańyzdy nysandar jumysymen tanysty. Olardyń basym bóligi «Jumyspen qamtýdyń jol kartasy» baǵdarlamasy aıasynda júzege asyrylyp jatyr.

«Infraqurylymdy jaqsartý boıynsha biraz jumys atqarylyp jatyr. «Uljan» yqshamaýdanyndaǵy Jalaıyr kóshesiniń boıynda uzyndyǵy 2 shaqyrym bolatyn jol jóndelýde. Búginde aýdannyń toǵyz yqshamaýdanynda 84 shaqyrymǵa jetetin jańa jol salynýda. Segiz yqshamaýdanda uzyndyǵy 67,4 shaqyrym jolǵa ortasha jóndeý jumystary júrgizilýde. Sondaı-aq, turǵyndardyń ótinishteri boıynsha ótken jyly sý qubyry men káriz jelileriniń qurylysy bastaldy», –dep jazdy qala ákimi Instagram -daǵy paraqshasynda..

Sonymen qatar, ol «Nurly jer» baǵdarlamasy boıynsha salynyp jatqan «Alataý Sıtı» turǵyn úı keshenine bardy.

«Qurylys júrgizýshiler MJÁ aıasynda qalaǵa 350 orynǵa arnalǵan balabaqsha salyp beredi. «Jumyssyzdyqpen qamtýdyń jol kartasy» boıynsha úsh jasyl aımaq, úsh skver jáne alty jaıaý júrginshiler aımaǵy jóndelýde. Rysqulov dańǵyly, «Alataý» teatry aldyndaǵy aýmaqta, «Qarasý» yqshamaýdanyndaǵy rekreatsııalyq aımaqta júrgizilip jatqan jumystar men materıaldardyń sapasyn tekserdim. Bos aýmaqtardy barynsha kógaldandyrýdy tapsyrdym», - dep atap ótti Baqytjan Saǵyntaev.