+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

SQO polıtseıleri jasóspirimderdi jumysqa alý máselelerin túsindirdi

2020 jylǵy 3 maýsym 14:52
Bólisińiz:
SQO polıtseıleri jasóspirimderdi jumysqa alý máselelerin túsindirdi

PETROPAVL. QazAqparat – Soltústik Qazaqstan oblysynda «Bala eńbegin paıdalanýǵa qarsy 12 kúndik kúres» ulttyq aqparattyq kampanııa aıasynda túrli is-sharalar ótedi, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, «Bala eńbegin paıdalanýǵa qarsy 12 kúndik kúres» atty aktsııanyń maqsaty – tek jasóspirimderdiń ǵana emes, sondaı-aq ata-analar men 18 jasqa tolmaǵandardy jumysqa alýǵa ázir kásipkerlerdiń quqyqtyq saýattyǵyn arttyrý.

«Bul maýsymdyq másele. Petropavlda jazǵy demalys kezinde jasóspirimder kóbine dámhanalarda jáne bazarlarda jumys isteıdi. Ókinishke qaraı, jumys berýshiler balanyń jas mólsherine saı keletin jumys jaǵdaıyn jasamaıdy. ıÝvenaldyq polıtseıler túsindirý jumystarymen qatar kámeletke tolmaǵandardyń múddelerine qatysty quqyq buzýshylyqtardy anyqtaıdy», - deıdi SQO PD bastyǵynyń birinshi orynbasary Qanat Aıtbaev.

12 kúndik kampanııa aıasynda «Otbasynda zorlyq-zombylyqqa jol joq», «Túngi qaladaǵy balalar», «Jasóspirim», «Kóshe» sekildi reıdter uıymdastyrylady. «Balalardy birge qorǵaıyq» uranymen tártip saqshylary qalalyq mádenıet jáne demalys saıabaǵyn, bazarlar men qoǵamdyq oryndardy aralap ótti. ıÝvenaldyq polıtseıler jasóspirimder jumys isteýi múmkin oryndardy tekserdi, balalar eńbegin paıdalanýdyń aldyn alý maqsatynda halyqpen profılaktıkalyq áńgime júrgizdi. Balalardyń múddelerin qorǵaý máseleleri boıynsha jadynamalardy tabys etti. Al synyp jetekshileri jáne ata-analar qaýymdastyǵymen aqparattyq jumys qashyqtyqtan júrgizilýde.

18 jasqa tolmaǵandardy jumysqa alýda birneshe talapty eskergen jón. Tártip saqshylary balalardyń túnde jumys isteı almaıtynyn, olardyń oı-órisiniń damýyna qaýip tóndiretin aýyr jumystardy tapsyrýǵa bolmaıtynyn eske salady. 16 jasqa deıingi jasóspirim úshin ata-analardyń biri eńbek shartyna qol qoıýy kerek. 14 jastan 16 jasqa deıingi balalardyń jumys ýaqyty aptasyna 24 saǵattan, 16 jastan 18 jasqa deıin - aptasyna 36 saǵattan aspaýy tıis. Basqa shekteýler de bar. Máselen, jumys oqý protsesine zııan keltirmeýi kerek, 18 jasqa tolmaǵandarǵa tolyq materıaldyq jaýapkershilikti júkteýge bolmaıdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT