Qostanaıda zeınetker balyq aýlap júrip, sýǵa ketti

QOSTANAI. QazAqparat – Qostanaı oblysynda balyq aýlaýǵa shyqqan zeınetker ózenge batyp ketti, dep habarlaıdy QazAqparat oblystyq TJD baspasóz qyzmetine silteme jasap.

Uqsas jańalyqtar

Almaty oblysynda úıinen ketip qalǵan oqýshy 20 kúnnen keıin tabyldy

Beırýt gýbernatory: jarylys shyǵyny 3-5 mlrd dollardy qurady Beırýttaǵy jarylys: qaza tapqandar sany 100 adamnan asty Erlan Saırov Beırýttaǵy jarylysqa baılanysty pikir bildirdi

1955 jyly týǵan Fedorov aýdanynyń turǵyny «Úsh bıkesh» atanyp ketken ózenge balyq aýlaýǵa shyǵady. Kýágerlerdiń aıtýynsha, zeınetker qaýipsizdik quraldarymen jabdyqtalmaǵan metall qaıyǵyn paıdalanǵan.

«Zeınetkerdiń joǵalǵany týraly habarlama Fedorov aýdanynyń TJ bólimine 2 maýsym kúni saǵat 19:36-da kelip tústi. Oqıǵa ornyna jergilikti TJ qutqarýshylary men jedel-tergeý toby shyqty. 3 maýsymda saǵat 02:30-da sýǵa ketken adamnyń denesi tabyldy. Oqıǵanyń mán-jaıy áli anyqtalýda, sot-medıtsınalyq saraptama taǵaıyndaldy. 25 mamyrdan bastap qutqarýshylar kúsheıtilgen qyzmetke kóshti. Kún saıyn aldyn alý jumystary barysynda sý aıdyndarynda, qoǵamdyq oryndarda, turǵyn úı sektorynda, orman-dala alqaptarynda reıdter uıymdastyrady. Azamattarmen nusqaýlyq ótkizip, paraqshalar taratady», - delingen TJD habarlamasynda.

Qostanaı oblysy Tótenshe jaǵdaılar departamenti balyq aýlaýshylarǵa sýdaǵy qaýipsizdik erejelerin saqtaýdy eskertedi.