Shymkentte jappaı tóbelesten keıin komaǵa kúsken jasóspirim kóz jumdy

TÚRKІSTAN. QazAqparat – Shymkentte jappaı tóbelesten keıin jaraqat alyp, komaǵa kúsken 17 jastaǵy jasóspirim kóz jumdy.

Uqsas jańalyqtar

Almaty oblysynda jardan aýdarylǵaly turǵan kóliktegi jolaýshylar qutqaryldy

Qytaıdaǵy apat: Jer astynda qalyp qoıǵan kenshilerdiń 11-i qutqaryldy Qytaıda jer astynda qalyp qoıǵan kenshi eki aptadan soń qutqaryldy Elordada boıjetken úshin janjaldasqan jigitter qarýdan oq atqan

Túrkistan oblystyq balalar aýrýhanasynyń jansaqtaý bóliminde jatqan Abzal Ótkirov bas mı jaraqatynyń aýyrlyǵynan, es jımaǵan kúıinde jantásilim etti, dep habarlaıdy QazAqparat tilshisi.

Túrkistan oblystyq qoǵamdyq densaýlyq basqarmasynyń málimetinshe, jasóspirim aýrýhanaǵa 23 mamyr kúni jatqyzylǵan.

«Naýqas 23.05.2020j túngi saǵat 01:55-te medıtsınalyq jedel-járdem qyzmetimen aýyr halde jetkizilgen. Naýqas aýyr jaraqat alǵan bolatyn. Aýrýhana dárigerleri jedel túrde naýqasty tıisti medıtsınalyq tekserýden ótkizip, zertteýler júrgizdi. Naýqastyń bas mıyna qan ketkeni anyqtaldy. Jedel túrde ota – dekompressıvti trepanatsııasy jasalyndy. Naýqasqa alǵan jaraqatyna jáne jaǵdaıynyń aýyrlyǵyna baılanysty qajetti em jansaqtaý bóliminde kórsetilgen. Ony uzaq jolǵa alyp shyǵý qaýipti bolǵandyqtan dárigerler Ulttyq ǵylymı ortalyǵynynyń mamandarynan telemedıtsına arqyly keńes alyp, emdik sharalardy jasady. Alaıda 1-shi maýsym, túngi saǵat 23:45-te jasóspirim kóz jumdy. Komada jatqan kúıi es jımaı qaıtys boldy», - delingen basqarmasynyń habarlamasynda.

Aıta keteıik, buǵan deıin marqumnyń týystary 22 mamyr kúni Shymkenttiń irgesindegi Maıatas eldimekeninde jappaı tóbeles bolǵanyn aıtqan. Onda bolǵan eki jasóspirim soqqy alyp, 17 jastaǵy jasóspirim aýyr jaraqatymen aýrýhanaǵa túsken. Naýqas balanyń aǵasy tóbeles kezinde tipti inisiniń basyn shlakoblokpen urǵany, tipti tyrnaqtaryn julyp tastaǵanyn týraly aıtqan. Qazirgi tańda Shymkenttiń Polıtsııa departamenti tóbeleske baılanysty qylmystyq is qozǵap, tergeý amaldaryn júrgizýde.