Asqar Mamın UBT ótkizý jaıynda: Eń basty mindet - balalardyń qaýipsizdigi

NUR-SULTAN. QazAqparat - Ulttyq biryńǵaı test ótkizý barysynda balalardyń qaýipsizdigin barynsha qamtamasyz etý qajet. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

Uqsas jańalyqtar

Qyzylordalyq oqýshy qala kóshesin jaryqtandyrýdyń tıimdi tásilin tapty

Qostanaı oblysynda 5-11 synyp oqýshylary qashyqtan bilim alady Almaty oblysynda qashyqtan oqyǵan 300 oqýshydan koronavırýs anyqtaldy Eýrazııa ulttyq ýnıversıtetiniń ókilderi tikeleı efırden 10 saǵat boıy stýdentterdiń saýaldaryna jaýap berdi

«Bul másele óte mańyzdy. 20 maýsymnan bastap túlekter UBT tapsyra bastaıdy. Oǵan 131 myńnan astam oqýshy nemese ótken jylmen salystyrǵanda 12 paıyzǵa artyq túlek qatysady. Qalyptasyp otyrǵan jaǵdaıdy eskersek, UBT dástúrli rejımde, biraq sanıtarlyq-epıdemıologııalyq talaptardy qatań saqtaı otyryp ótkiziledi. Sondyqtan eń basty mindet balalardyń qaýipsizdigin qamtamasyz etý bolyp sanalady. Búgingi kúnge testileýge daıyndyq pen ony ótkizý boıynsha mindetter naqty aıqyndalǵan. UBT ótkiziletin 161 pýnkt, 1 200-den astam aýdıtorııa daıyndaldy», - dep atap ótti Úkimet basshysy.

Osy oraıda Premer-Mınıstr Bilim jáne ǵylym mınıstrligine Densaýlyq saqtaý, Іshki ister mınıstrlikterimen jáne óńirlikterdiń ákimdikterimen birlesip, testileý ótkizýdiń qaýipsizdigin, túlekterdi tasymaldaý normalaryn saqtaı otyryp, jetkizýdi qamtamasyz etýdi tapsyrdy.

«UBT ótkiziletin pýnktterdiń aldyna adamdardyń kóp jınalýyna jol berilmesin. Aqparat jáne qoǵamdyq damý mınıstrligi qazirgi jaǵaıda UBT ótkizý jónindegi keń aýqymdy aqparattyq túsindirý jumystaryn júrgizýi qajet. Eraly Luqpanuly, máseleni baqylaýda ustańyz», - dedi Asqar Mamın orynbasary Eraly Toǵjanovqa qarata.