Qazaqstanda týrıstik nysandar jumysynyń algorıtmi ázirlendi

NUR-SULTAN. QazAqparat - 1 maýsym kúni Premer-Mınıstrdiń orynbasary Eraly Toǵjanovtyń tóraǵalyǵymen ótken selektorlyq otyrysta mınıstrlikter, «Atameken» UKP jáne óńirler ákimdikteriniń basshylyǵynyń qatysýymen Qazaqstanda týrızm maýsymyn jandandyrý máseleleri qaraldy, dep habarlaıdy primeminister.kz.

Uqsas jańalyqtar

Qazaqstan pandemııa kezinde suranysqa ıe bolǵan karavanıng-týrızm salasyn damytpaq

Qazaqstanda agrotýrızmdi damytý modeli ázirlenedi Túrkistanda bıyl álemde teńdesi joq týrıstik keshen ashylady «Kazakh Tourism» kompanııasynyń bıýdjeti 56%, shtat sany 20%-ǵa qysqartyldy

Otyrysta Tótenshe jaǵdaı kezinde Úkimet tarapynan bul salaǵa múlik salyǵynan jáne eńbekaqy tóleý qorynan salyq tóleý men basqa da tólemderden bosatý turǵysynan memlekettik qoldaý kórsetilgeni atalyp ótti.

Sonymen qatar, zańnamalyq deńgeıde týrıstik salaǵa qosymsha qoldaý kórsetý sharalary qaralyp jatyr:

• týrıstik obektilerdi jańadan salý, rekonstrýktsııalaý jáne jabdyqtaý kezinde ınvestıtsııa somasynyń 10%-yn óteý jáne preferentsııa berý;

• ár sheteldik týrıst úshin týroperatordyń shyǵyndaryn sýbsıdııalaý;

• áýe kompanııalaryna ishki áýe baǵyttary boıynsha balalardyń jol aqysyn 100% óteý;

• kásipkerlik sýbektileriniń jol boıyndaǵy nysandardy salý jáne qyzmet kórsetý boıynsha shyǵyndarynyń 25%-yn óteý;

  

• týroperatorlar men týragenttikterdiń týrıstik kólik quraldaryn satyp alý shyǵyndarynyń 25%-yn óteý.

2019-2025 jyldarǵa arnalǵan týrıstik salany damytý memlekettik baǵdarlamasy aıasynda 44 týrıstik jobaǵa ınfraqurylym júrgizý maqsatyna respýblıkalyq bıýdjetten 51,5 mlrd tg qarajat bólindi. Bul — atalǵan salany qoldaýdyń rekordtyq kórsetkishi deýge bolady.

Keńeste Qazaqstanda týrızm maýsymyn bastaýǵa tolyq daıyndyq jasalǵany habarlandy: týrıstik nysandardyń jumys algorıtmi ázirlendi, jolaýshylardy tasymaldaýdyń avıa, temirjol jáne avtobýs marshrýttary iske qosylǵan.

Keńes qorytyndysy boıynsha Premer-Mınıstrdiń orynbasary E. Toǵjanov óńirlerdiń ákimdikterine týrıstik obektilerdiń daıyndyǵy týraly aktilerdi berý jumysyn jedeldetýdi, jańa týrıstik baǵdarlar men tolyqqandy aqparattar jıyntyǵyn jasaýdy, sondaı-aq atalǵan salaǵa ınvestıtsııa tartý jumysyn kúsheıtýdi tapsyrdy.