Oralda quny 7 mlrd teńge turatyn jylyjaı kesheni salynýda

ORAL. QazAqparat – Oralda quny 7 mlrd teńge turatyn jylyjaı kesheni salynýda, dep habarlaıdy QazAqparat tilshisi.

Uqsas jańalyqtar

SQO-da sharýa qojalyǵy baldyr ósirip, jemazyq retinde qoldanýda

Amerıkalyq «Valmont Industries» Qazaqstanda aldyńǵy qatarly sýarý júıeleri zaýytyn ashady Aqmola oblysynda úsh aýysymda oqytý máselesi birtindep sheshilýde Qazaqstanda maqta óńdeý uıymdarynyń qyzmetin lıtsenzııalaý alynyp tastalady

BQO ákimdigi málim etkenindeı, 5 gektar aýmaqta atalmysh keshendi nıderlandylyq tehnologııa negizinde turǵyzylýda.

Jylyjaı jylyna 3 myń tonna kókónis óndire alady. Keshen iske qosylǵan kezde 100 jańa jumys orny ashylady dep josparlanýda.

BQO kásipkerlik jáne ındýstrıaldyq-ınnovatsııalyq damý basqarmasy basshysynyń orynbasary Maqsat Qulanbaevtyń aıtýynsha, keshenniń qurylysy negizinen bitip tur.

«Keshenniń qural-jabdyqtaryn sheteldik mamandar kelip ornatýy kerek. Ázirge olar koronavırýs indetine baılanysty kele almaı otyr. Jylyjaı keshenin qyrkúıek aıynda paıdalanýǵa berý kózdelýde», dedi QazAqparat tilshisine M.Qulanbaev.

Aıta keteıik, ákimdik derekterine qaraǵanda, aýyl sharýashylyǵy salasynda taǵy bir iri ınvestıtsııalyq jobany «Kýbleı» JShS qolǵa aldy. Munda aýysymyna 600 dana iri qara men usaq mal terisin óńdeıtin tseh qurylysy júrgizilýde. Bul jobanyń quny – 700 mln teńge.

Bıyl aýyl sharýashylyǵy salasyn qoldaýǵa bıýdjetten 17 mlrd teńge bólindi. Jyl basynan beri aýyl sharýashylyǵy taýaryn óndirýshiler 4,3 mlrd teńge nesıe kózderine qol jetkizdi.

Tórt aıdaǵy aýyl sharýashylyǵynyń jalpy ónimi 27 mlrd teńgeni qurady. Salaǵa 1,6 mlrd teńge ınvestıtsııa tartyldy, bul ótken jylǵy osy kezeńdegiden 1,4 esege artyq.

Eske sala keteıik, budan buryn Batys Qazaqstanda 516 myń gektarǵa aýyl sharýashylyǵy daqyldary sebilgenin jazǵan bolatynbyz.