+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Shymkentte koronavırýs juqtyrǵan júkti áıel indetti joqqa shyǵaratyndardy saqtanýǵa shaqyrdy

2020 jylǵy 29 mamyr 01:42
Bólisińiz:
Shymkentte koronavırýs juqtyrǵan júkti áıel indetti joqqa shyǵaratyndardy saqtanýǵa shaqyrdy

ShYMKENT. QazAqparat – Shymkentte koronavırýs juqtyrǵan júkti áıel alǵash ret suhbat berip, basynan ótken jaǵdaıdy baıandap berdi. Eki balanyń anasy aýrýdyń bar ekenine senbeıtinderdi salǵyrttyq tanytpaýǵa shaqyrdy, dep habarlaıdy QazAqparat tilshisi.

Uqsas jańalyqtar
Koronavırýs ınfektsııasynyń belgisi bar 972 pnevmonııa tirkeldi Qazaqstanda  2 079 adam koronavırýstan emdelip shyqty Elimizde 517 adam koronavırýs juqtyrdy

Qaýipti dertke shaldyqqan júkti áıel otbasymen birge oqshaýlanyp, aýrýhanada eki aptadan asa em qabyldaǵan. Keıin taǵy 15 kúndeı úı karantınine jatqyzylǵan. Úshinshi perzentine júkti kelinshek bir aı boıy qaýipti indetpen alysqanyn aıtady. 36 jastaǵy Irına búginde aı kúni jaqyndap qalǵan. Oǵan ınfektsııa kúıeýinen juqqan. Sonymen qatar eki balasynan da vırýs anyqtalyp, búkil otbasy múshesi oqshaýlanǵan. Emdik sharalaryn júrgizý úshin dárigerler bir januıadaǵy naýqastardy provızor stantsıonaryna jatqyzǵan.

«Aýrýhanaǵa túskende kishkentaı balalarymyz arnaıy kastıýmdegi dárigerlerdi kórgende qorqyp ketti. Osy kezde biz balarymyzǵa qarap, ákesi ekeýimiz myqty bolýǵa tyrystyq. Ýaqyt óte kele qaýipti dertti jeńip shyqtyq. Men júkti bolǵandyqtan, dárigerler meniń jáne ishtegi sharanamnyń jaǵdaıyn erekshe baqylap otyrdy. Eń bastysy, ınfektsııa ishimdegi balaǵa áser etpepti», - deıdi Irına.

COVID-19-dan jazylyp shyqqan kelinshek qazir balalaryna barynsha kóńil bólip júr. Bir sát bolsyn, bala-shaǵasyn qaraýsyz qaldyrǵysy kelmeıdi. Otbasy qaýipti indetten tolyǵymen aıyǵyp shyqqanymen, kelinshektiń úreıi áli basylmaǵan.

«Biz koronavırýstan jazylyp shyqtyq. Biraq aýrýhanadaǵy karantındik jaǵdaıdy oılasam, úreılengen kezim birden esime túsedi. Kishkentaı balalarmen jan jaǵy jabyq tórt qabyrǵanyń ishinde jatý qıyn boldy. Bul jaǵdaıdy bastan ótkizbeı, eshkim túsine almaıdy. Aýrýdyń bar ekenine senbeı júrgen azamattarǵa aıtarym, salǵyrttyq tanytpańyzdar. Ózińizdi oılamasańyz da, basqalarǵa zııanyńyz tımesin», - deıdi Irına.

Qala boıynsha ol sııaqty júkti áıelderdiń arasynda indet rastalǵan 15 jaǵdaı tirkelgen. Elimizde tótenshe jaǵdaı rejımi alynǵanymen, Shymkentte ınfektsııaǵa shaldyqqandardyń sany kún sanap artyp barady. Mamandar munyń sebebin josparly teskerýmen baılanystyrady.

Aıta keteıik, búginge deıin Shymkentte vırýsty ınfektsııany juqtyrýdyń 730 jaǵdaıy tirkelgen. Dertke shaldyqqandardyń basym bóligi 50 jasqa deıingi azamattar. Al COVID-19 dıagnozyn jeńip shyqqandar sany 241 adamǵa jetti.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT