NUR-SULTAN. QazAqparat - Jyl basynan beri jastardyń áskerı patrıottyq tárbıesi úshin 1785 is-shara ótkizilip, oǵan 200 myńnan astam adam qatysty.

Uqsas jańalyqtar

QR Prezıdenti 2021 jylǵy qańtarda muǵalimderdiń jalaqysyn 25%-ǵa arttyrýdy qamtamasyz etýdi tapsyrdy

Almatylyq polıtseılerdiń jalaqysy kóbeıdi Jelide Vıktor Tsoı ánderiniń negizinde túsirilip, qashyqtyqty saqtaýǵa úndegen beınerolık shyqty Memleket basshysy Lıvandaǵy qazaqstandyq azamattardyń qaýipsizdigin qamtamasyz etýdi tapsyrdy

Bul týraly Ortalyq kommýnıkatsııalar qyzmetinde ótken Aıbyn-VI respýblıkalyq áskerı-patrıottyq jastar jıyny týraly brıfıngte aıtyldy, dep habarlaıdy QazAqparat tilshisi.

«Aıbyn» respýblıkalyq áskerı-patrıottyq jastar jıyny «Jas sarbaz» patrıottyq qozǵalysy sheńberinde ótkiziledi. Ol Elbasy - QR Tuńǵysh Prezıdenti Nursultan Nazarbaevtyń bastamasymen quryldy. Jıynnyń maqsaty - Qazaqstan Respýblıkasynda áskerı patrıottyq tárbıe jumystaryn jetildirý. Qazirgi ýaqytta «Jas sarbaz» qozǵalysynyń fılıaldary elimizdiń barlyq óńirlerinde bar. Jastarǵa áskerı-patrıottyq tárbıe berý máseleleri bizdiń qyzmettiń mańyzdy basymdyqtarynyń biri. Áskerı patrıottyq klýbtardy, «Jas sarbaz» synyptaryn, «Smart sarbaz» úıirmelerin ashý boıynsha jumystar jalǵasýda. Bıyl 25 mamyrdaǵy jaǵdaı boıynsha elimizde 5700 áskerı patrıottyq uıym bar, onda 200 myń jasóspirim men qyz bala qamtylǵan», - deıdi QR Qarýly kúshter bas shtaby Tárbıe jáne ıdeologııalyq jumystar departamenti bastyǵynyń orynbasary Ermııan Bıatov.

Onyń aıtýynsha, jyl basynan beri jastarǵa áskerı patrıottyq tárbıe berý boıynsha 1785 is-shara ótkizilip, oǵan 200 myńnan astam adam qatysqan.

«Osy jyly elimizde qalyptasqan epıdemıologııalyq jaǵdaıǵa baılanysty jáne qazirgi zamanda elimizdiń jas urpaǵyn áskerı patrıottyq tárbıeleýde jańa kózqarasty talap etýge baılanysty Qorǵanys mınıstri, general-leıtenant Nurlan Ermekbaevtyń qoldaýymen jıyndy onlaın rejımde ótkizý týraly sheshim qabyldandy. Jazǵy demalys kezeńinde biz bul baǵyttaǵy is-sharaǵa balalardyń barynsha kóp qatysqanan qalaımyz. Onlaın jıynnyń konkýrstary men jarystary boıynsha erejesi Qorǵanys mınıstrliginiń saıtynda ornalastyrylatyn bolady. Bul balalarǵa «Aıbyn» jıynyna sapaly daıyndalýǵa múmkindik beredi», - deıdi ol.