Qazaqstandyqtar koronavırýsty kóbine iri kásiporyndarda juqtyryp alyp jatyr – DSM

NUR-SULTAN. QazAqparat – Densaýlyq saqtaý mınıstrligi Qazaqstanda koronavırýs ınfektsııasynyń taralýyna baılanysty oblystardy úsh topqa bólip, monıtorıng júrgizýde, dep habarlaıdy QazAqparat tilshisi.

Uqsas jańalyqtar

Koronavırýs statıstıkasy óskenine alańdamaý kerek - Almaty ákimi

Almatylyq ınfektsıonıst koronavırýstan saqtaný jáne emdelý jónindegi basty suraqtarǵa jaýap berdi Shymkentte  koronavırýstan 3,3 myń naýqas emdelip shyqty Shymkenttegi mobıldi toptar 53 myń naýqasty tegin dári-dármekpen qamtamasyz etti

«Búgingi tańǵa deıin Qazaqstan boıynsha 8531 syrqat anyqtaldy. Olardyń 3118-i ary qaraı emin ınfektsııalyq klınıkalarda jalǵastyrýda. Jalpy 4400 adam emdelip, úılerine qaıtaryldy. ıAǵnı jartysynan kóbi emdelip, úıilerine qaıtty. Ótken táýlik boıynsha ınfektsııany juqtyrǵan 209 adam tirkeldi. Ósý deńgeıi – 2,5 paıyz. Jalpy ótken aptamen salystyrǵanda 2091 naýqas anyqtalyp, ósý deńgeıi 2,2-5,2 paıyz deńgeıinde saqtalyp otyr», - dedi QR DSM taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev Densaýlyq saqtaý mınıstrliginiń Facebook-ktegi paraqshasynda.

Onyń aıtýynsha, ótken aptada koronavırýs juqtyrǵan azamattardyń 80 paıyzy nemese 1689 naýqas belsendi túrde júrgizilgen skrınıng barysynda anyqtalǵan.

«Keıbir óńirde koronavırýs juqtyrǵandardyń sany aıtarlyqtaı artyp keledi. Aımaqtardy ósim boıynsha birneshe topqa bólip otyrmyz. Birinshi topqa juqtyrý ósimi 7 paıyzdy quraıtyn óńirler kiredi. Mundaı ósim Almaty, Jambyl, Qaraǵandy, Qostanaı, Túrkistan, Soltústik Qazaqstan oblystary men Shymkent qalasynda baıqaldy. Ekinshi toptaǵy ósim kórsetkishi 5-7 paıyz aralyǵyn kórsetip otyrǵan oblystarǵa Aqmola, Aqtóbe men Nur-Sultan qalasy enedi. Úshinshi topqa ósim kórsetkishi 5 paıyzdan tómen aımaqtar kiredi. Olar: ShQO, BQO, Qyzylorda, Mańǵystaý, Pavlodar oblysy men Almaty qalasy», - dedi ol.

Komıtet basshysy aımaqtarda koronavırýs ınfektsııasyn juqtyrǵandardyń kóbi iri kásiporyndarda tirkelip jatqanyn aıtyp ótti.

«Máselen olardyń ishinde Shymkenttegi «Petro Qazaqstan» nemese Qaraǵandy oblysyndaǵy «Qazaqmys» nysandary bar. Atyraýdaǵy «Teńizshevroılda» da sondaı jaǵdaı. Azamattardyń jumysqa shyǵýyna, ekinshi jaǵynan karantın tártibiniń álsireýine baılanysty bizde juqtyrý jaǵdaıy artyp barady», - dedi ol.