+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Berdibek Saparbaev Taraz qalasy men Baızaq jáne Talas aýdandarynyń ákimine sógis jarııalady

2020 jylǵy 23 mamyr 12:30
Bólisińiz:
Berdibek Saparbaev Taraz qalasy men Baızaq jáne Talas aýdandarynyń ákimine sógis jarııalady

TARAZ. QazAqparat – Jambyl oblysynyń ákimi Berdibek Saparbaev Taraz qalasy men Baızaq jáne Talas aýdandarynyń ákimderine karantın rejımin tıisti dárejede qamtamasyz etpegeni úshin sógis jarııalady, dep habarlaıdy QazAqparat oblys ákimdigine silteme jasap.

Jambyl oblysy boıynsha jedel shtabtyń kezekti otyrysynda koronavırýs ınfektsııasy boıynsha epıdemıologııalyq ahýal barysy talqylandy. Statıstıkaǵa sáıkes, aımaqta COVID-19 aýrýynyńý ósýi baıqalýda.

«Ókinishke oraı, oblysymyzda koronavırýs ınfektsııasynyń taralýy jalǵasýda. Bul jergilikti aldyn-alý jumystarynyń álsizdigin jáne karantındik sharalardyń tıisti deńgeıde saqtalmaı otyrǵandyǵyn kórsetedi. Ekonomıkalyq qajettilikke baılanysty shaǵyn jáne orta bıznestiń keıbir salalarynyń qyzmetine shekteýler alynyp tastaldy. Degenmen bul qaýipsizdik sharalaryn elemeýge bolady degendi bildirmeıdi. Karantın rejıminiń talaptary saqtalýy kerek jáne oǵan barlyǵy mindetti. Alaıda, Taraz qalasy men aýdan ortalyqtarynda kóptegen turǵyndar qorǵanysh maskasyn paıdalanbaýda, al saýda oryndary men basqa da nysandarda azamattardyń qaýipsizdigin qamtamasyz etý boıynsha tıisti talaptar oryndalmaı otyr. Aıtalyq, Talas jáne Baızaq aýdandarynda bir jerde adamdardyń kóp jınalýyna qatysty jaǵdaıdyń saldarynan aýrýshańdyqtyń ósýi oryn alǵan», - dedi oblys ákimi Berdibek Saparbaev.

Aıta keteıik, sońǵy ýaqytta tirkelgen jańǵdaılardyń basym bóligi Taraz qalasy men Qordaı jáne Baızaq aýdandarynda. Buǵan deıin aýrýdyń óńirimizge syrttan kelý kóbirek baıqalsa, sońǵy kezderi jergilikti turǵyndar arasynda juqtyrý deregi ósip otyr. Mundaı oqıǵalardyń joǵary úles salmaǵy oblys ortalyǵynda jáne Baızaq aýdanynda anyqtalǵan. 21 mamyr kúngi jaǵdaıǵa sáıkes, oblys boıynsha indet juqtyrǵandar ósý deńgeıi táýligine 5,4 paıyzdy, al sońǵy 7 kúnde – 17,4 paıyzdy quraǵan.

«Ahýal – alańdatarlyq kúıde. Mundaı jaǵdaıda karantın rejımin tikeleı buzýshylarǵa da, jańa ınfektsııa oshaqtarynyń paıda bolýyna jol bergen laýazymdy tulǵalarǵa da qatań sharalar qoldaný qajet. Sanıtarlyq-epıdemıologııalyq qyzmet óz ókilettikterin barynsha batyl paıdalanǵany durys», - dep atap ótti oblys ákimi.

Aımaq basshysy jergilikti atqarýshy organdar men salalyq vedomstvo basshylaryn halyq arasynda túsindirý sharalaryn kúsheıtýge, keıingi kezderi jumystaryn álsiretip alǵan mobıldi toptardyń qyzmetin qaıta jandandyrýǵa shaqyrdy.

Basqosýda turǵyndar tarapynan tolassyz túsken ótinishterge baılanysty halyqqa qyzmet kórsetý ortalyqtarynyń qyzmetin 25 mamyrdan qaıta bastaý týraly sheshim qabyldandy. Al, qoǵamdyq kólik qozǵalysyn qalpyna keltirý máselesi dúısenbi kúni ótetin kezekti shtab otyrysynda talqylanbaq.

Sondaı-aq, óz jumysynda jiberip alǵan kemshilikteri úshin Taraz qalasynyń, Talas jáne Baızaq aýdandarynyń ákimderine sógis jarııalanǵandyǵy, sondaı-aq, osy baǵytqa jetekshilik etetin Taraz qalasy ákiminiń orynbasary qyzmetinen bosatylǵandyǵy belgili boldy. Budan bólek, Qordaı, Baızaq jáne Talas aýdandary ákimderiniń orynbasarlarynyń jeke jaýapkershiligi qaralady.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT