+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Rýdnyılyq kásipker 83 mln teńge bıýdjet qarjysyn jymqyrmaq bolǵan

2020 jylǵy 23 mamyr 05:30
Bólisińiz:
Rýdnyılyq kásipker 83 mln teńge bıýdjet qarjysyn jymqyrmaq bolǵan

QOSTANAI. QazAqparat – Qostanaı oblysynda seriktestik basshysy 83 mln teńge bıýdjet qarjysyn jymqyrmaq bolǵan, dep habarlaıdy «QazAqparat» HAA sybaılas jemqorlyqqa qarsy kúres qyzmetiniń baspasóz ortalyǵyna silteme jasap.

Uqsas jańalyqtar
«Azamattyq baqylaý – chekti talap et» aktsııasyna qatysýshylarǵa 4 mln teńgeden astam syıaqy tólendi Atyraýda emhananyń esepshotynan 70 mln teńge urlanǵan

Ortalyqtyń málimetinshe, byltyr Rýdnyı qalasyndaǵy jańa shaǵyn aýdanǵa quny 106,2 mln teńge turatyn jylý qazandyǵyn salý úshin memlekettik tapsyrys ótken. Memtapsyrysty «JylýEnergoQurylys» JShS utyp alǵan.

«Seriktestik bıýdjetten bólingen qomaqty qarjyǵa «Boran Boıler» kompanııasynan blokty-modýldi jylý qurylǵysyn satyp alyp, ony jańa salynyp jatqan shaǵyn aýdanǵa ornatýy tıis bolǵan. Biraq «JylýEnergoQurylys» JShS basshysy B. Shektibaev jobalyq-smetalyq qujatqa qaramaı qarapaıym statsıonarlyq jylý qurylǵysyn qoıǵan. 2019 jyldyń qarasha aıynan bastap bul iske sybaılas jemqorlyqqa qarsy kúres qyzmeti aralasty.

Nátıjesinde, jylý qazandyǵynyń qurylysyna qajet qurylǵynyń jetkizilmegeni jáne merdigerdiń moınyna júktelgen jumys aýqymynyń tolyq oryndalmaǵany áshkerelenip, memleketke 83 mln 698 400 teńge zııan kelgen. Kásipker bıýdjet qarjysyn jymqyrý týraly oılamaǵanyn aıtyp aqtalǵan. Kásipker óz áreketiniń zańǵa qaıshy ekenin túsinip, memlekettik satyp alý kelisimshartynyń talaptaryn tolyq oryndap, qymbat qurylǵyny ornatty», - deıdi sybaılas jemqorlyqqa qarsy kúres qyzmetiniń bas mamany Evgenıı Bedych.

Osylaısha, sybaılas jemqorlyqqa qarsy kúres qyzmetiniń aralasýymen kásipker memleketke keltirgen zııannyń ornyn toltyrdy.

«Bizdiń basty mindetimiz – quqyq buzǵandardyń bárin temir tordyń ar jaǵyna toǵyta berý emes. Basty maqsat – azamattardyń quqyǵy men erkindigin qorǵaı otyryp, qylmystyń aldyn alý. Bul joly memleket pen azamattyń, atap aıtqanda kásipkerdiń arasynda sapaly ári túsinikti áńgime órbip, memleket qarjysynyń qymqyrylýyna jol berilgen joq, - dedi sybaılas jemqorlyqqa qarsy is-qımyl departamenti basshysynyń birinshi orynbasary Danııar Smaǵulov.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT