+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Májilis beıbit jınalystar týraly zań jobasyna senatorlar engizgen ózgeristerdi qoldap daýys berdi

2020 jylǵy 20 mamyr 10:31
Bólisińiz:
Májilis beıbit jınalystar týraly zań jobasyna senatorlar engizgen ózgeristerdi qoldap daýys berdi

NUR-SULTAN. QazAqparat – Májilis depýtattary «QR-da beıbit jınalystardy uıymdastyrý jáne ótkizý tártibi týraly» zań jobasyna Parlament Senaty engizgen ózgerister men tolyqtyrýlardy qoldap, daýys berdi, dep habarlaıdy QazAqparat tilshisi.

«Zańnama jáne sot, quqyqtyq reforma komıteti atalǵan zań jobasyna Parlament Senaty engizgen ózgerister men tolyqtyrýlardy qarap shyǵyp, myna jaılardy atap ótedi. Senattyń túzetýleri Májilis maquldaǵan tujyrymdama men mazmundy ózgertpeıdi ári onyń jekelegen normalaryn jaqsartýǵa baǵyttalǵan. Atap aıtqanda respýblıkalyq mańyzy bar qalalardyń, astananyń jáne oblystyq mańyzy bar ákimshilik ortalyq aýdandarynda beıbit jınalystardy uıymdastyrýdyń arnaıy oryndarynyń mindetti sanyn belgileý, turmys-tirshilik nysandarynyń, kólik pen ózge de ınfraqurylymnyń jumys isteýiniń buzylýy, azamattardyń erkin júrip-turýyna kedergi keltirý sııaqty beıbit jınalysty ótkizýden bas tartý negizin alyp tastaý usynylady. Óıtkeni mundaı kedergilerdi bılik naqty ári arnaıy oryndy belgileý kezinde eskerýi jáne olardyń aldyn alýy tıis», - dedi Zańnama jáne sot, quqyqtyq reforma komıtetiniń múshesi, depýtat Qanat Mýsın Májilistiń jalpy otyrysynda.

Májilis depýtaty eger mundaı buzýshylyqtar joıylsa beıbit jınalysqa jekelegen qatysýshylardyń quqyqqa syıymsyz áreketterine baılanysty jınalysty toqtatýdy bolǵyzbaý jáne beıbit jınalys barysynda densaýlyqty qorǵaýǵa arnalǵan jeke qorǵanys quraldaryn paıdalanýǵa ruqsat berý usynylatynyn málim etti.

«Sonymen qatar zań jobasynyń jekelegen normalarynyń qurylymyn jetildirý maqsatynda túzetýler engizildi. Komıtet «QR-da beıbit jınalystardy uıymdastyrý jáne ótkizý tártibi týraly» zań jobasyna Parlament Senaty engizgen ózgerister men tolyqtyrýlarmen kelisýdi usynady», - dedi ol.

Zań jobasy boıynsha Májilis depýtattary Senat engizgen ózgerister men tolyqtyrýlardy qoldap daýys berdi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT