+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Túrkistan oblysynda tórt shekarashy «Qoǵaly» zastavasyn sý tasqynynan qorǵap qalǵan

2020 jylǵy 16 mamyr 16:45
Bólisińiz:
Túrkistan oblysynda tórt shekarashy «Qoǵaly» zastavasyn sý tasqynynan qorǵap qalǵan

JETІSAI AÝDANY. QazAqparat – Bloger ıAkov Fedorov Facebook-tegi paraqshasynda tórt áskerı qyzmetshiniń Túrkistan oblysynda «Qoǵaly» shekara zastavasyn sý tasqynynan qalaı qorǵaǵanyn aıtty, dep habarlaıdy QazAqparat.

«1 mamyrda sý tasqyny tek Maqtaaral aýdanynda emes, Jetisaı aýdanynda da boldy. Topan sý alǵash bolyp «Qoǵaly» shekara zastavasyna jetti. Al, odan keıin Qoǵaly aýyly ornalasqan. Sýdyń aýqymy - 600-700 metr boldy. Áskerı qyzmetshiler zastava men aýyldy sý almaý úshin 5 tehnıkamen keshten bastap tańǵy saǵat 5-ke deıin bıiktigi 3 metr, uzyndyǵy 1030 metr bolatyn damba saldy», - dedi ıAkov Fedorov.

Onymen bir ýaqytta oq-dáriler men jeke quramdy evakýatsııalady. Evakýatsııadan keıin aýyl men zastavanyń arasyndaǵy kópirdi sý basyp qaldy. Tórt shekarashy – zastava bastyǵy, starshına jáne eki kelisimshart boıynsha qyzmet etetin áskerı qyzmetshi zastavada qalyp qoıǵan. Olar dambanyń jaǵdaıyn baqylap, zastava men shekarany qorǵaǵan. Sý deńgeıi tek 5 mamyrdan keıin ǵana azaıa bastaǵan.

«Adamdar sý qorshaýynda qalyp qoıǵan «Qoǵaly» shekara zastavasyndaǵy tórt azamattyń esimin esterine saqtasa deımin! Sý tasqynynan zastavany qorǵaǵan jigitter mynalar:

Aǵa leıtenant Erbatyr Shákenov (1994 j.) – «Qoǵaly» shekara bóliminiń bastyǵy, ShQO Marqakól aýdanynyń týmasy.

Kelisimshart boıynsha qyzmet etetin serjant Erlan Mahanov (1988 j.) – shekara zastavasynyń starshınasy, Shymkentte týǵan.

Qatardaǵy kelisimshart qyzmetkeri Asqat Nııazbek (1993 j.) — shekara zastavasynyń júrgizýshisi, Maqtaaral aýdanynda dúnıege kelgen.

Qatardaǵy kelisimshart qyzmetkeri Bekjan Nurjaý — Jetisaı týmasy», - dep jazdy ıAkov Fedorov.



Foto: ıAkov Fedorov/www.facebook.com

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT