Tótenshe jaǵdaı kezinde kómekke kelgen áskerıler óz bólimderine qaıtarylady

NUR-SULTAN. QazAqparat - Búgin Qazaqstanda tótenshe jaǵdaı rejımi resmı túrde aıaqtaldy. Osyǵan baılanysty Qazaqstan Qarýly kúshteriniń blokposttardy kúsheıtý, eldi mekenderdi dezınfektsııalaý jáne patrýldeý boıynsha kezekshilikke tartylǵan jeke quramy men áskerı tehnıkasy óziniń turaqty ornalasqan pýnktterine qaıtady, dep habarlaıdy QazAqparat.

Uqsas jańalyqtar

Memleket basshysy Lıvandaǵy qazaqstandyq azamattardyń qaýipsizdigin qamtamasyz etýdi tapsyrdy

Lıvandaǵy qazaqstandyq bitimgerler Beırýttaǵy jarylystan zardap shekken joq QR Qarýly Kúshteriniń jekelegen bólimshelerin kúsheıtý josparlanyp otyr

Qorǵanys mınıstrligi baspasóz qyzmetiniń habarlaýynsha, áskerıler de áskerı-kólik avıatsııasynyń kúshimen, sondaı-aq óz tehnıkalarymen pýnktterine jetkiziledi.

«Bul rette, arnaıy jıyndarǵa shaqyrylǵan aýmaqtyq qorǵanys áskerleriniń áskerı qyzmetshileri mindetterin buryn bekitilgen merzimge jáne jergilikti atqarýshy organdardyń josparyna sáıkes oryndaýdy jalǵastyrady», delingen habarlamada.

Elde tótenshe jaǵdaı engizilgen kúnnen bastap áskerılerge rejımdi qamtamasyz etý jáne vırýspen kúreste mańyzdy mindetter júkteldi. Áskerı qyzmetshiler aýmaqtar men obektilerdi óńdep, blokbeketterde jáne patrýlderde qyzmet atqardy.